Lugo, 22 de outubro de 2014.- O Grupo Provincial do Partido Popular rexistrou esta mañá unha moción para o seu debate na próxima sesión plenaria da Deputación e a través da que pretende conseguir que o presidente do ente, José Ramón Gómez Besteiro, cumpra cos veciños e atenda nos orzamentos de 2015 ás peticións que lle trasladaron nas respectivas reunións celebradas nos distintos partidos xudiciais.
Os populares lembran que o socialista para a elaboración dunhas contas máis democráticas para 2015, convocou xuntanzas participativas nos distintos partidos xudiciais. “Queremos que este proceso posto en marcha se converta nunha verdadeira ferramenta de canalización das demandas dos veciños e non se dilúa nun mero anuncio, como nos ten acostumados Besteiro”.
Dende o Grupo Provincial do Partido Popular fíxose seguimento destas reunións así como das ideas que alcaldes, veciños e asociacións propuxeron para a súa inclusión nos próximos orzamentos. “Agora queremos que se plasmen en papel e se lles dea unha resposta en positivo; deste xeito pedimos que nas contas de 2015 se habiliten partidas orzamentarias suficientes para cursar estas peticións”.
En varias ocasións, os populares demostraron, en base a datos, a xestión partidista e pouco transparente da Deputación de Lugo á hora de elaborar os seus orzamentos. Deste xeito e co obxecto de que se cumpra coa finalidade proposta, “presentamos esta iniciativa plenaria, da que cuxo voto en contra só viría a demostrar que Besteiro nin cre nos orzamentos participativos nin se compromete en serio na súa elaboración, só os utiliza como unha ferramenta propagandística”.
A verdadeiras peticións dos veciños
O seguimento feito polos populares das propostas trasladadas por concellos, veciños e asociacións; permítelles resumir en que aspectos versaron as demandas máis reiteradas ao longo das nove reunións.
Así, os populares agrupan estas actuacións en varias áreas e explican que entre as máis demandadas polos veciños para a súa incorporación nos orzamentos participativos atópase a mellora e mantemento de estradas e infraestruturas de titularidade provincial. Dende o GPP citaron, como exemplos, a estrada que comunica Fonsagrada e Navia ou que enlaza as praias de Barreiros e Ribadeo.
A maiores, os veciños demandan emprego e con elo un plan que chegue en igualdade de condicións a todos os concellos; ademais de recollérense tamén peticións para a creación de postos de traballo entre a xuventude.
Por último, un maior compromiso en servizos sociais e, polo tanto, o apoio decidido ao programa básico de axuda a domicilio foi outras das reivindicacións tratadas nas diferentes xuntanzas e, especialmente na zona Sur, fixeron fincapé na mellora do servizo de rutas en catamaráns.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
