Lugo, 23 de outubro de 2014. O Museo Provincial do Mar de San Cibrao acolleu este xoves a inauguración da mostra fotográfica ‘Galicia-Cabo Verde. Unha irmandade’ que se pechou coa actuación do grupo burelés Batuko Tabanka, integrado por mulleres caboverdianas residentes na Mariña.
Promovida polo Fondo Galego de Cooperación e Solidariedade, esta exposición conta co patrocinio da área de Benestar Social, Deporte, Igualdade e Mocidade -de feito, o vicepresidente e delegado de Benestar e Deportes, o nacionalista Antonio Veiga, participou nos actos- e é o resultado dunha viaxe por 6 das 10 illas grandes que forman o arquipélago de Cabo Verde feito en outubro do 2013 polo fotógrafo Rober Amado.
A mostra está formada por 20 paneis a toda cor, con algunhas das fotografías máis significativas que tirou Rober Amado na súa viaxe. Os paneis, de 60×40 centímetros e impresos en cartón pluma de 10 milímetros de grosor, están acompañados po cadanseu pé de foto e 4 rollers informativos complementarios sobre as accións de cooperación que leva a cabo o Fondo Galego de Cooperación e Solidariedade en Cabo Verde.
As fotografías foron escollidas entre todo o material que Amado recompilou durante o mes que durou a súa viaxe por 6 das 10 illas que compoñen o arquipélago caboverdiano, visitando os principais proxectos apoiados polo Fondo Galego durante os os anos de cooperación neste país insular africano. As súas instantáneas mesturan diferentes ámbitos da vida dos habitantes das illas, ofrecéndonos no seu conxunto a realidade actual do país.
O autor: Rober Amado
Rober Amado naceu en Ferrol no 1985. Licenciado en Psicoloxía, fixo un Máster en Cooperación Internacional e outro en Reporteirismo. É fotógrafo e redactor multidisciplinar, tendo colaborado con diversos medios estatais como El País, La Vanguardia, El Temps, Periodismo Humano, ou galegos como La Voz de Galicia. Un ano despois de gañar o ‘Imaxes con fondo’, no 2013 fíxose co premio ‘Tiflos’ da ONCE na categoría de xornalismo dixital.
A exposición pode ser visitada no museo sancibrense de martes a sábado, en horario de 11 a 14 horas e de catro a sete da tarde; e os domingos, das once da mañá ás dúas da tarde. Os luns a sala permanece pechada.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
