O equipo que adestra Toni Novo derrotou ó Cubelas FS por cinco goles a cero na primeira xornada da Liga Provincial masculina de Lugo de fútbol sala.
O debut do Praias de Barreiros en competición oficial tivo lugar nun Pavillón Municipal ateigado de xente que acompañou ó conxunto de fútbol sala no seu estreo en competición oficial.
O conxunto local amosouse moi ben en liñas xerais dende o pitido inicial, buscando o partido presionando a saída de balón do conxunto rival. Esta saída tivo os seus froitos e ó remate da primeira parte o Praias de Barreiros xa gañaba por catro goles a cero. Dous tantos de Borja, un de Ayala e outro de Sergio, un dos xogadores máis activos do conxunto local.
A segunda parte foi un espello da primeira, cun Praias presionando moi arriba para tratar de non deixarlle xogar ó rival. O Cubelas non tivo demasiadas ocasións de gol e viu como Borja redondeaba a súa conta anotadora co seu terceiro gol no partido, o quinto do conxunto barreirense.
Toni Novo, técnico local quixo destacar o bo nivel do conxunto barreirense no seu debut en competición oficial, recordando que: “Os tres primeiros puntos son moi importantes, pero non valen para nada sin os tres da próxima xornada”. Unha segunda xornada onde o Praias de Barreiros se desprazará a Samos, e na que o técnico xa poderá contar coa presencia de David Becerra, a xoven promesa barreirense, unha aposta persoal de Toni.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
