Ribadeo, 29 de outubro de 2014. Este venres, 31 de outubro, en horario de mañá, levarase a cabo un curso de visual merchandising na praza de abastos. A actividade está dirixida aos donos dos 9 postos de peixe, carne e froita e verdura, que venden actualmente no edificio do mercado ribadense, e pretende servir como aliciente para fomentar o comercio local na vila. Para logralo ata Ribadeo desprazarase unha experta nesta disciplina comercial para que lle explique a cada praceiro cales son as mellores técnicas de posicionamento á hora de colocar os seus produtos para lograr aumentar a súa venda. O curso servirá para completar a oferta formativa que recibiron os praceiros nas pasadas semanas, aproveitando o peche temporal da praza de abastos debido ás obras de reforma que se realizaron no seu interior.
Este curso de visual merchandising forma parte do ciclo de medidas levadas a cabo polo Concello, grazas a unha subvención da Xunta de Galicia, e que están orientadas a fomentar o consumo local tanto nas redes coma na propia praza de abastos. Entre elas, este mesmo mércores tivo lugar a estrea dun documental sobre o traballo diario dos praceiros. A proxección foi ás 12 da mañá, aproveitando a celebración do mercado semanal dos mércores.
Desde a Concellaría de Desenvolvemento Local lembran que a praza de abastos recuperou a súa actividade a pasada semana, despois de permanecer pechada dende comezos de outubro polas obras de reforma de estrutura e pintado que se levaron a cabo tanto no interior, coma no exterior do edificio, traballos que rematarán definitivamente dentro duns días.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
