O Concello de Ribadeo, co apoio da Vicepresidencia da Deputación de Lugo, pretende posicionar As Catedrais como un dos principais destinos de ecoturismo do Estado en 2015, fomentando o turismo de natureza e o turismo ornitolóxico no litoral ribadense. Este é un dos principais obxectivos do Proxecto As Catedrais Parque Natural, un programa de actuacións bianual posto en marcha polo Concello e a Deputación e dentro do que se inclúe un paquete de 10 accións encamiñadas tanto á conservación do areal como ao seu aproveitamento como revulsivo turístico e económico para toda a comarca da Mariña.
Este proxecto conta cunha achega económica de 123.000 euros por parte da institución provincial e vai encamiñado a conseguir a declaración como Parque Natural para as Catedrais e toda a franxa litoral ribadense. O convenio de colaboración, asinado esta mañá polo vicepresidente da Deputación, o nacionalista Antonio Veiga, e polo alcalde ribadense, Fernando Suárez, supón unha achega de 59.700 euros en 2014 e 64.164 euros en 2015 para todo un programa de actuacións dirixidas a protexer o areal e potenciar o seu atractivo turístico durante todo o ano, para así desestacionalizar as visitas e evitar a masificación da praia.
O vicepresidente da Deputación felicitou ao rexedor ribadense por un novo galardón para o areal, a inclusión das Catedrais como unha das sete maravillas rurais do Estado español, un premio que se une a outros semellantes acadados nos últimos anos mesmo no ámbito internacional e que contribúen a “dar a coñecer As Catedrais, Ribadeo e A Mariña” e que son froito en opinión de Antonio Veiga “da incansable labor de promoción que realiza o Concello de Ribadeo e o seu alcalde”.
Sobran os coches
Antonio Veiga apostou por promocionar toda a comarca da Mariña como un destino de “turismo de natureza” e dixo que “para promocionar as Catedrais dentro do ámbito do turismo ambiental e ecolóxico sobran os coches do entorno da praia”, polo que volveu reclamar á Xunta de Galiza unha serie de medidas neste ámbito non incluídas na súa proposta de Plan de Conservación, como son a peonalización do entorno ou a construción de aparcadoiros alonxados do areal e conectados mediante transporte. “Limitar o acceso á praia porque si, sen dar máis alternativas, non vai evitar nin os atascos nin as colas de coches de xente dende a A-8”, reiterou.
Por iso, o vicepresidente da Deputación afirma que as medidas “meramente restrictivas e prohibicionistas” propostas pola Xunta neste Plan de Conservación non chegan porque “é necesario un plan de actuación máis amplo”. Deputación e Concello siguen demandando a Declaración coma Parque Natural para toda a franxa litoral de Ribadeo, con toda unha serie de accións complementarias que permitan desconxestionar as Catedrais da súa presión turística ofrecendo alternativas en toda a comarca para todo ese fluxo de visitantes. “A solución está en ofrecerlles alternativas para que queden máis días na zona, non en prohibirlles vir”, dixo.
Os 100.000 euros da Xunta nos Orzamentos do 2015 son insuficientes
Para o vicepresidente da Deputación, os 100.000 euros anunciados pola delegada da Xunta en Lugo, Raquel Arias, nos orzamentos autonómicos do vindeiro ano, “son insuficientes”, porque non permiten atallar o problema “urxente” da saturación de coches no entorno do areal. “100.000 euros non chegan nin para facer un aparcadoiro alonxado da praia”, afirmou Antonio Veiga.
Ao mesmo tempo, Antonio Veiga acusou á Xunta de “desentenderse das súas obrigas e responsabilidades” ao propoñer que sexa o Concello o que se encargue de coordinar todas as accións necesarias en relación ás Catedrais. “Ata agora efectivamente encargouse o Concello de Ribadeo, diante da desidia e irresponsabilidade da Xunta, que é a quen lle corresponde”, dixo o vicepresidente da Deputación, que lle lembrou a Raquel Arias que a Praia das Catedrais foi declarada Monumento Natural de Galicia pola Consellería de Medio Ambiente da Xunta de Galicia polo Decreto 11/2005 de 20 de xaneiro, polo que a súa protección e conservación depende da Administración autonómica. “Nós desde a Deputación sempre estaremos dispostos a colaborar, como o estamos a facer desde hai tempo”, lembrou Veiga, que indicou ademais que “o das Catedrais non é só un problema do Concello de Ribadeo, senón unha oportunidade tamén para os concellos limítrofes, polo que o lóxico é que se encargue da coordinación a Xunta de Galicia por ser de ámbito supramunicipal”, argumentou.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
