Foz, 1 de novembro de 2014.- O BNG de Foz a través do seu portavoz municipal, Xan Carlos González Basanta, sae ao paso das declaracións triunfalistas e enredosas do alcalde de Foz sobre as contas municipais. Nelas, Castiñeira congratulábase dos datos publicados polo Ministerio de Facenda do Estado sobre as contas municipais e manifestaba unha boa xestión das mesmas.
En principio lugar, hai que aclarar que as cifras publicadas do endebedamento financeiro dos concellos presentadas polo Ministerio que dirixe Cristóbal Montoro, reflicten saldos pendentes de amortizar por préstamos formalizados a longo prazo. Polo tanto, non se inclúen aquí os créditos a curto prazo nin a débeda con provedores e outros acredores municipais. De aí que conveña fixar a nosa atención na conta xeral e nos informes de intervención para saber realmente a situación económica do Concello de Foz. Porque é a conta xeral a que permite coñecer o acerto na execución orzamentaria ao comparar ingresos previstos cos realizados, así como os créditos iniciais de gastos cos que foron definitivamente recoñecidos.
Na conta xeral do ano 2013, o remanente de tesourería -que avalía a solvencia financeira municipal- aínda que é positivo intervención di que “queda desvirtuado pola situación dos ingresos pendentes de recadación de exercicios pechados e as obrigas pendentes de aplicar ao orzamento que constitúen a débeda extraxudicial”. Para darnos unha idea disto, dos 2.631.122,39 euros referido a dereitos pendentes de cobrar estímase que 2.390.524,15 euros son dereitos de difícil recadación, é dicir, incobrables. Pero iso o alcalde non o di e o que debería facer un goberno que quere unhas contas transparentes e realistas sería -como o BNG ten dito moitas veces- depurar todos estes incobrables e levar ata as últimas consecuencias as débedas pendentes de cobro antes de que prescriban.
Para o BNG, outra das situacións preocupantes das contas municipais, tal e como advirte insistentemente Intervención, é que os ingresos correntes chegan a duras penas para facer fronte aos gastos correntes e á amortización das súas operacións de crédito se temos en conta as obrigas que se deixaron pendentes de aplicar ao orzamento -e que se contabilizan en 386.237,13 euros-. E isto, contando cun incremento de impostos como o IBI urbano e que nos 2 últimos foi dun 22%.
O BNG finalmente quere precisar algo sobre a xestión do grupo de goberno que en moitos casos incumpre de forma descarada as normas legais e que lle afecta negativamente aos resultados finais das contas municipais. Referímonos por exemplo á acumulación de facturas que non se poden imputar ao orzamento porque son gastos que non teñen partidas. Outro exemplo de descontrol do gasto ocorre cos
contratos menores que este goberno adxudica sen orzamento da obra e sen aprobación previa do gasto, requisitos esixidos pola Lei de Contratos. Tampouco se están facendo as liquidacións definitivas en impostos como o ICIO ou en taxas como as de licenzas urbanísticas.
O BNG quere lembrarlle ao alcalde de Foz que ten sen executar aínda un Plan de Saneamento das Contas Municipais aprobado pola Corporación no ano 2009 e que desde que goberna está a ser incumprido e avaliado negativamente polos servizos de intervención do Concello desde que goberna o PP.
Á vista destes datos, podemos afirmar taxativamente que de boa xestión nada de nada. Máis ben, a xestión das contas municipais non existe como tal xestión e si como un “a velas vir”, como parece ser toda a xestión do PP de Raxoi. Non se ve por ningún lado iniciativa deste goberno municipal para controlar o gasto e mellorar os ingresos, así como mellorar os servizos e o benestar do pobo de Foz, Non hai máis que observar o aumento do paro, as deficiencias nos servizos municipais cada vez maiores (alumeado, saneamento, limpeza, tráfico, etc.), a privatización de obras ou servizos públicos, o deterioro das instalacións municipais e do mobiliario urbano, o abandono das parroquias e un longo etcétera. “Realmente aquí o único que parece estar contento coa situación do Concello é o alcalde porque o resto dos mortais vemos todo o contrario”, declara Basanta.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
