A Deputada de Economía, Recadación e Facenda, Pilar García Porto, acompañada de técnicos provinciais, mantivo este mércores unha reunión cos Alcaldes dos Concellos de Castroverde, A Fonsagrada e Trabada, José María Arias Fernández, Argelio Fernández Queipo e José Manuel Yánes Ginzo, respectivamente, así como cos responsables dos servizos sociais destes Concellos.
O obxecto da reunión foi darlles a coñecer as que serán as liñas fundamentais do regulamento de funcionamento das residencias con centros de día da rede pública que a Deputación de Lugo está a construír nestes tres municipios, así como outros aspectos relativos aos criterios de admisión ou a selección do persoal que prestará servizos nestas instalacións, “garantindo sempre o seu carácter público”, tal e como subliñou a Deputada.
García Porto quixo agradecer “actitude construtiva” dos Alcaldes de Castroverde, A Fonsagrada e Trabada, así como dos seus técnicos de servizos sociais, “o que amosa a súa implicación con este proxecto de rede pública de residencias con centros de día, e exemplifica o noso desexo de escoitar de primeira man as aportacións que eles, e os seus técnicos de servizos sociais, poidan facer para xestionar da mellor maneira posible esta rede”. Pola súa banda, durante a reunión os Alcaldes coincidiron en pedir, unha vez máis, a colaboración do Goberno de Núñez Feijóo coa rede pública de residencias con centros de día da Deputación concertando prazas, o que a institución provincial trasladará ao executivo autonómico.
Trátase do primeiro dos encontros que os responsables provinciais manterán con rexedores e servizos sociais daqueles Concellos nos que se ubicarán estas dotacións públicas. Estes tres Concellos foron os primeiros en tomar parte nesta xuntanza posto que se trata dos municipios nos que as obras de construción se atopan máis avanzadas e, polo tanto, a súa data de apertura está máis próxima.
Estado das obras
As obras das residencias con centros de día dos Concellos de Castroverde, A Fonsagrada e Trabada, son as que, neste momento, están máis avanzadas.
En canto á de Castroverde, ubicada no centro da vila, entre as rúas Santiago e Alcalde Xesta, só resta instalar os solados, carpinteiría interior e pintura para o seu remate. A situación é a mesma que a dotación da Fonsagrada, e esta ocupará o edificio da Fundación Rois de la Peña. No caso da residencia con centro de día de Trabada, situada a carón do centro sociocultural da localidade, tamén se atopa moi avanzada, posto que xa se está rematando coa colocación de ladrillos e os peches.
A Deputación de Lugo está a financiar en solitario este proxecto de rede pública de residencias con centro de día, mediante unha achega de 9,3 millóns de euros, de xeito que, unha vez rematada os maiores da provincia disporán de 342 novas prazas á súa disposición e 140 novos postos de traballo.
Xuntanza de traballo na Deputación
Precisamente respondendo a ese ánimo de colaboración, Pilar García Porto anunciou que a vindeira semana celebrarase na Deputación de Lugo unha reunión na que tomarán parte técnicos do organismo provincial, técnicos do Concello de Guitiriz e representantes da plataforma cidadá Falemos Claro, co obxectivo de impulsar o proxecto de centro de día con residencia pública na Casa da Botica.
Deste xeito, a Deputación dá resposta inmediata á petición realizada por este colectivo guitiricense.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
