RIOTORTO, 7 DE NOVEMBRO DE 2014.- Os deputados autonómicos –Juan Carlos González Santín e José Ramón Val Alonso- alertados polo voceiros do PSOE en Riotorto e Mondoñedo –José García e Esperanza González- esixirán á Xunta de Galicia, no Parlamento de Galicia, que garanta “a calidade sanitaria asistencial” aos veciños destes municipios, pois están “a sufrir unha auténtica precaridade neste nesto”, ao non dispoñer, non primeiro caso, de consulta médica cando hai unha emerxencia, e de pediatra, no segundo.
Os socialistas acordaron levar este asunto á Cámara galega, durante unha reunión que mantiveron, xunto coa Vicepresidenta Segunda da Deputación –Lara Méndez-, e con representantes do PSOE en Riotorto nas últimas horas. E é que, tal e como subliñan González Santín e Val Alonso, “xa é hora de que se poña freo ao desmantelamento que está a facer o SERGAS dos centros de saúde e da Sanidade da Mariña. Cremos que temos que estar cos veciños, pois foron eles os primeiros que deron a voz de alarma. Estivemos en Riotorto, pero non podemos esquecernos tampouco da situación que se está a vivir en Mondoñedo. Seremos os voceiros dos cidadáns e pediremos que se lles dea un trato xusto, que non é outra cousa que garantirlles un dereito básico”, afirma González Santín.
No caso concreto da situación do centro mindoniense, o pasado mes de setembro un grupo de nais reclamou un pediatra para o centro de saúde, xa que a que había está de baixa. Ante esta situación, Sanidade optou por reemprazar a esta sanitaria por un médico de Medicina Xeral con consulta dúas veces á semana; unha decisión que, en palabras dos socialistas, foi “un parche”, pois o que demandan as familias é un especialista que estea en activo polo menos catro veces a semana.
Precisamente, a falla deste facultativo está a preocupar moito aos pais, xa que se aproxima o inverno; a época na que os nenos padecen máis enfermidades. Por este motivo, e en aras de acadar unha solución, os proxenitores mantiveron recentemente unha xuntanza coa xerencia do HULA, onde se lles comunicou que un médico de familia atendería aos seus fillos dous días á semana (martes e xoves) no centro médico de Mondoñedo; e un día (mércores) no de Lourenzá; unha alternativa que non convence ás familias e que motiva a proposta que presentarán os deputados autonómicos na Cámara galega.
“A pantomima” da Xunta
E é que, para os representantes do PSOE, a falla de facultativos nestes centros de saúde, non é máis que outra consecuencia dos continuos recortes dos Gobernos do Partido Popular. “Están a sacrificar a saúde das persoas e, dende logo, nós si que actuaremos en consecuencia. Agardamos que os deputados do PP fagan o mesmo, xa que, do contrario, quedaría en entredito, por exemplo, a responsabilidade do Sr. Balseiro”, destaca Val.
A este respecto, destacan que a falla de profesionais sanitarios e o empeoramento da calidade asistencial no sistema sanitario mariñano, vén a demostrar que “non faltamos á verdade cando en días pasados dixemos que os Orzamentos da Xunta de 2015 eran unha pantomima e unha nova burla aos cidadáns, e que marcaban a folla de ruta dun Goberno que continúa sen ter previsións para a comarca”. É dicir, “non só nos temos que conformar que con que o Hospital vai seguir segundo un centro hospitalario pequeno, que non chega para atender ás necesidades da poboación, senón que tamén están a desmantelar os centros de saúde”. En definitiva, subraia Val Alonso, o que está a facer a Xunta é “certificar que a visita realizada hai poucos días polo presidente da Xunta da man de Balseiro, non foi máis que unha farsa e un querer saír na foto”.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
