Afeccionados á pesca do chipirón organizan a primeira Quedada Solidaria

A Mariña, 11 de novembro de 2014.- Afeccionados á pesca do chipirón de distintos puntos da Mariña e Asturias organizan por primeira vez unha Quedada Solidaria a través da que, por unha banda, reuniranse para pasar unha xornada facendo o que máis lles gusta “a pesca do chipirón” e, á vez, contribuirán a unha actividade social relevante como é a recolleita de alimentos, roupa e xoguetes en beneficio de Cáritas.

COMIDA DE CONFRATERNIDADE E SORTEOS
O evento terá lugar este sábado, 15 de novembro e o punto de partida, nun amplo programa de actividades, levaralles as 15.00 horas ata o Restaurante As Cruces de O Vicedo. Alí reuniranse todos os inscritos “superan as 60 persoas” para gozar dunha comida de confraternidade a base de pulpo, croquetas e carne asada. Ese mesmo restaurante servirá como punto de recolleita dos produtos solidarios doados polos participantes e que se destinarán a Cáritas.

Ao finalizar a mesma, durante a sobremesa, terá lugar o sorteo de diverso materia de pesca (poteras, canas, carretes) cedido por distintas tendas e artesáns, colaboradores coa actividade, material que, no seu conxunto, teñen un valor que supera os 1.500 euros. Despois todos os inscritos trasladaranse ata un porto pesqueiro (o emprazamento definitivo farase público nese momento) para que poidan comezar coa pesca do chipirón, durante a tarde-noite.

ABERTO O PRAZO DE INSCRIPCIÓN
Os organizadores recordan que, aínda que xa son máis de 60 as persoas inscritas a través dos eventos creados en redes sociais como facebook, aínda é posible sumarse para participar nesta 1ª Quedada Solidaria, e de feito, ademais do grupo aberto nesta rede social facilitan unha serie de teléfonos de contacto como son 689 032 550 (Jorge) 662 117 962 (Jose), 647 247 195 (Fran), 619 536 256 (Borja), 635 687 117 (Dani).

Para inscribirse tan só é necesario abonar 20 euros, que dan dereito tanto a participar na comida de confraternidade e nos distintos sorteos, como tamén na xornada de pesca afeccionada, onde ademais repartiráselles un bocadillo, para amenizar a tarde.

FILA SOLIDARIA
Se outras persoas queren participar, pero pola razón que sexa non poden sumarse nin á comida de confraternidade nin á xornada de pesca na tarde-noite, poden facelo igual, entregando algún dos produtos que se doarán a Cáritas: alimentos non perecedoiros, roupa ou xoguetes en bo estado. Para iso deben poñerse en contacto con Elisabet Pena (615 321 386) encargada da fila solidaria.

Agradecen especialmente a aqueles que obtén polos xoguetes tendo en conta que se aproximan as datas de Nadal e que, o obxectivo é que ningún neno quede sen o seu xoguete.

Na recolleita destes produtos solidarios ademais dos organizadores colaboran tamén outras entidades como a propia Cáritas ou a asociación Cultural A Sombriza, de San Cibrao, que se encargará de custodialos e repartilos.