Barreiros, 13 de novembro de 2014. O Colectivo Cultural Ollomao continúa levando cultura aos bares e tabernas de Barreiros. Nesta ocasión, en forma de pequenas obras de teatro que representarán as persoas que toman parte no grupo de teatro do colectivo e que se interpretarán tomando por escenario as tabernas e bares da parroquia de San Cosme.
Despois da estrea do formato o pasado venres en San Xusto, este venres tócalle o turno a San Cosme, onde o grupo teatral actuará ás 21.00 horas no Café-Bar Moderno e ás 22.00 horas na Cafetería do Centro Social.
Desde o Colectivo valoran positivamente a recepción que tivo a actividade no seu estreo e aseguran que continuarán “sacando as actividades culturais dos lugares habituais nos que se desenvolven e achegándoas á xente, á vez que pretendemos contribuír á dinamización da hostalaría local e da vida social nas parroquias.”
“Co feito de representar dúas pezas en dous lugares distintos, pero próximos entre eles, pretendemos que a xente que asista como público se desprace a ambos locais e fomentar un ambiente social e cultural animado na parroquia”, afirma a presidenta de Ollomao, Tamara Rubiños.
Esta actividade súmase a outra iniciativa presentada no pasado mes de outubro: os xoves universitarios que, baixo o formato dunha charla distendida, achegan temas de actualidade e debate social á xente mentres poden saborear algunha consumición na hostalería local
Desde Ollomao insisten en agradecer ao sector a boa disposición que amosaron en todo momento, así como a colaboración absoluta coa que se atoparon desde o primeiro día no que plantexaron as ideas.
Durante os venres do mes de novembro, Ollomao continuará achegando o teatro a bares e tabernas das distintas parroquias con actuacións máis breves que as obras convencionais e nun ambiente máis desenfadado que o dos teatros de butacas. Igualmente, á vista da boa acollida, desde o colectivo non descartan repetir as actividades noutras datas para tratar de cubrir todos os establecementos.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
