Foz, 21 de novembro de 2014.- O goberno local de Foz logrou deixar a cero a débeda bancaria do Concello e ademais os provedores poderán cobrar as facturas que teñen pendentes. Destacouno este venres o alcalde, Javier Jorge Castiñeira, quen tamén salientou que o pleno da corporación municipal aprobou as subvencións para o asilo e a asociación de discapacitados local e tamén a rebaixa no Imposto de Bens Inmobles (IBI).
“Dende o goberno do Concello de Foz estamos moi contentos co resultado do pleno extraordinario urxente de onte, do que se van sacar conclusións moi importantes para a economía do noso concello. Principalmente o Concello de Foz asume o pago da débeda bancaria que quedaba, cerca de 260.000 euros, e vaina pagar agora, no ano 2014, co cal o Concello de Foz quedará a cero de débeda cos bancos, algo que é moi importante sobre todo para iniciar unha nova lexislatura sen ningún tipo de atadura económica nese sentido”, explicou o rexedor municipal.
Javier Castiñeira engadiu que “con respecto aos provedores tamén hai unha moi boa nova, porque os que durante este ano se estaban vendo afectados porque o pleno da corporación non aprobaba as súas facturas do recoñecemento extraxudicial neste último intento agora conseguimos que, coa abstención de todos os grupos da oposición menos o concelleiro independente Xaime Cancio, que novamente votou en contra do pago desas facturas, logramos que estes provedores poidan cobrar neste ano por todos eses traballos que realizaron con todas as da lei. Polo tanto tamén é unha moi boa nova porque con todo isto os provedores van poder cobrar”.
O alcalde tamén resaltou que no pleno deste xoves “aprobouse unha subvención importante para o asilo, de 25.000 euros, que cos 12.000 que vai aportar a Xunta e outros tantos a Deputación fan 50.000 euros, que corrixen este exercicio e permiten que o asilo de Foz siga funcionando. E levouse tamén unha subvención importante para a asociación de discapacitados Virxe do Carme, de Foz, de 7.000 euros, que tamén se aprobou e é importante para o funcionamento deste colectivo”.
Castiñeira destacou que “todo isto fíxose con cargo ao remanente e grazas á xestión do goberno local do Partido Popular, que dende o inicio deste mandato empezou a xerar remanente en positivo, pasou practicamente de remanente negativo a ter 1.300.000 euros en tesourería e polo tanto iso permite facer fronte aos créditos bancarios, aos pagos aos a provedores e incluso dar unhas subvencións importantes a asociacións de Foz. Polo tanto estamos moi contentos e quero agradecer a todos aqueles compañeiros da corporación que o fixeron posible; e a aqueles que se seguen negando ante a evidencia dicirlles que se están encerrando en si mesmos e que esa actitude non é o que necesita o pobo”.
Ademais, no pleno deste xoves, que “foi importante para a economía local, decidiuse que para o ano que ven haxa unha rebaixa no IBI. Actualmente estábase aplicando o coeficiente do 0,66 para o pago da contribución e vai pasar ao 0,60. É unha rebaixa que compensa as subidas dos valores catastrais e a suba establecida por lei polo Ministerio de Hacienda. Polo tanto tamén é unha boa nova para os veciños de Foz, que con todo o seu esforzo están conseguindo que a economía local a finais deste ano sexa envexada, libre de cargas cos bancos, saneada; e, dende logo, iso débese ao esforzo de todos os focenses”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
