O Consello Aberto [Nacional] de Espazo Ecosocialista aprobou por unanimidade onte a declaración ‘Continuar o Camiño’, coincidindo co 3º aniversario ‘Decálogo Ecogaleguista’ do que xurdiu esta formación.
A declaración recorda que ese momento constituínte de Espazo “faciámolo coa vista posta no 15M, como referente simbólico, e despois da experiencia da Iniciativa Ben Común, conscientes de que entrabamos nun episodio político de cambio que requiría de novos instrumentos políticos plurais e democráticos na esquerda. Reafirmamos a necesidade dun espazo político da esquerda galega verde e renovadora.”
Para Espazo “o resultado das pasadas eleccións europeas abriron definitivamente o tempo constituínte que nos levamos anunciando como necesario e do que queremos participar con outras mulleres e homes no conxunto do Estado e en cada unha das nacións que o compoñen.”
Segundo os ecosocialistas do que se trata agora é de colocar no centro da axenda política as demandas democráticas. Da coordenada social necesitamos extraer os elementos programáticos para que o proceso constituínte sexa un proceso de cambio real e na profundización do estado de benestar. Da coordenada nacional necesitamos vertebrar unha maioría de soberanismo cívico que permita corrixir a eiva do anterior proceso constituínte: a ausencia de Galicia como suxeito político nacional no mesmo para asegurar o seu máximo autogoberno e o dereito a decidir.
Para Espazo máis aló da coincidencia ou non co seu ideario aínda indefinido en temas centrais, coa súa vertebración cada vez máis próxima a un partido clásico ou coa súa confusión entre partido e proxecto (evidente na vertebración plurinacional do instrumento de cambio), Podemos foi situado polos electores como o principal instrumento vertebrador do proceso de cambio e polo tanto necesitamos entendelo, igual que fixemos no seu día co 15M, máis pola súa musica que polas súas letras; pola súa dimensión simbólica.
Igualmente a cidadanía galega necesita dun instrumento forte que, sen posicións esencialistas, participe con voz propia nun proceso cooperativo de cambio dende a esquerda.
Segundo o Consello Aberto “o resultado do debate da última Asemblea de Anova da un paso importante na procura de novos paradigmas; polo que se abren posibilidades para explorar procesos de confluencia, noutro momento imposíbeis, sen dubida necesarios, para fortalecer ese polo nacional e de soberanismo cívico.”
A declaración contempla cinco propostas resolutivas:
– Espazo Ecosocialista participará no cumio de partidos das esquerdas e verdes do Sur de Europa, a celebrar o 24 de xaneiro de 2015 en Barcelona, para construír unha alternativa política democrática común necesaria para os nosos pobos.
– Propor ás forzas da esquerda renovadora doutras nacións do estado: ICV, MES, Compromis, EKI-Ibatzarri, Chunta Aragonesista,… a necesidade de refundar Espazo Plural co fin de converte-lo no interlocutor preciso das esquerdas soberanistas nun diálogo estábel e permanente con Podemos, na medida en que lle corresponde vertebrar o espazo plural de cambio que se pode definir no próximo ciclo electoral.
– Priorizar no traballo na vertebración de Iniciativas Cidadás, entendidas como a expresión máis ampla de unidade democrática e ferramentas de vertebración democrática de esquerda. Ir concretando a nosa participación nas mesmas, tendo en conta o programa de cambio, a participación cidadá e a súa dimensión, a metodoloxía participativa aberta e a vertebración como forzas políticas que aseguren a continuidade despois das municipais e a súa actuación como proxecto unitarios. Participación e cooperación que pasa pola renuncia a presentar candidatos elixidos por Espazo como tal.
– Traballar para avanzar na construción dun proxecto político e orgánico da esquerda nacional para o novo tempo sustentado nunha nova cultura política. Abrir un diálogo sincero e aberto coas persoas e colectivos para testar as posibilidades reais de procesos de converxencia que permitan crear unha forza galega da esquerda renovadora soberanista e verde.
– Fortalecer Espazo, ao calor da campaña do 3º aniversario do ‘Decálogo Ecogaleguista’ tanto na súa capacidade de influencia (proposta política) como de incidencia (crecemento afiliativo).
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
