O Valadouro, 29 de novembro de 2014. A asemblea local do BNG Alfoz-Valadouro non deu aprobación aos orzamentos 2015 presentados polo goberno municipal de coalición entre PSOE e UDIVAL por non cumprir os acordos de investidura en maio de 2013. A formación nacionalista non se fai responsábel dos impedimentos legais para a execución de actuacións previstas polo goberno local por ter que actuar cun orzamento prorrogado de 2014, mais ao contrario responsabilizan aos dous socios de goberno – PSOE e UDIVAL – por non cumprir condicións básicas acordadas co BNG para votar a favor dun goberno alternativo ao Partido Popular.
Para a asemblea local do BNG “a actitude do grupo de goberno de non efectuar modificacións de calado na forma de actuar, incluídas no acordo para a investidura de Edmundo Maseda como alcalde, obrigan a votar negativamente os orzamentos presentados polo goberno local para 2015”.
Desde a formación nacionalista “recalcan que unha destas condicións era a elaboración de ORZAMENTOS PARTICIPATIVOS, cousa que non se está a producir xa que se presenta unha proposta elaborada unicamente polos socios de goberno sen a apertura dun proceso de participación social claro e transparente”.
Os nacionalistas “non se fan responsábeis dos impedimentos administrativos que se podan dar en 2015 para a execución de proxectos pendentes pola obriga de operar con orzamentos prorrogados de 2014”, “é responsabilidade única e exclusiva do grupo de goberno por non atender condicións básicas expostas polo BNG para o cambio de goberno no Valadouro”.
A Asemblea Local do BNG quere deixar claro que “non se senten atados para apoiar sen condicións ao grupo de goberno” formado por PSOE e UDIVAL. A pesar de que propostas como “o sistema de préstamo de material escolar ou posta en marcha de proxectos vinculados á valorización dos recursos propios do concello están encamiñadas, non se acaban de ver actuacións de maior calado dirixidas á democratización da vida municipal, estratexias cara a unificación do Val ou demandar coa necesaria contundencia infraestruturas pendentes no concello desde fai anos como o polígono industrial de Alfoz-Valadouro”.
Do mesmo xeito, cando se abriu unha rolda de xuntanzas nas parroquias –a proposta do BNG- para escoitar as propostas dos veciños, o goberno local non cumpriu as promesas realizadas á veciñanza, tampouco se puxo en marcha a figura do dinamizador das parroquias, proposta do BNG na táboa de puntos programáticos para apoiar un cambio de goberno hai ano e medio. Nin sequera se cumpriron as propostas realizadas polas formacións que despois entraron a formar parte do goberno, como é caso da creación dunha planta de biomasa ou a posta en marcha dun Centro de Día, iniciativas estrelas de UDIVAL, as cales, puxeron como condición para apoiar a Edmundo Maseda como rexedor.
Con todo manteñen a porta aberta ao diálogo para reconducir a situación e manifestan a súa vontade de traballar para que exista un cambio real nas formas de gobernar.
Eduardo Chao, concelleiro e portavoz municipal do BNG no concello do Valadouro
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
