Este luns a Dirección de Alcoa informaba ao Comité, da apertura dun expediente de despido colectivo nas fábricas da Coruña e Avilés que afecta a totalidade das súas plantillas (800 postos de traballo). Abriuse nese momento un prazo de 7 días para a constitución das correspondentes comisións negociadoras que disporán doutros 30 días naturais para as negociacións.
Alcoa manifestou que se durante este período se acadaba un resultado mellor coa celebración da anunciada segunda poxa (prevista para mediados de mes) ou outra oportunidade que se presente podería retomar a produción nas citadas plantas. Pero que de calquera maneira de celebrarse a segunda poxa nas actuais condicións non se solucionaría o problema.
A dirección manifestou que durante o ano 2015 a fábrica de San Cibrao ten previsto continuar a diante cos seus obxectivos de produción. Recordando que de calquera xeito para garantir o futuro da factoría da Mariña é preciso un prezo da enerxía non so competitivo senón tamén estable no tempo.
O Comité de Empresa tratará no próximo pleno ordinario este tema nun punto especifico para acordar as accións que se podan tomar. Mentras, amosan “o noso total apoio aos compañeiros de A Coruña e Avilés á hora de reclamar unha solución definitiva que garanta o futuro da industria e dos postos de traballo”.
Para rematar critican a “nefasta xestión dun goberno que nun país coma Galiza con excedente na produción eléctrica permite a destrución do seu tecido industrial de base por este tipo de problemas”.
Sección Sindical da CIG Alcoa San Cibrao.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
