CERVO .- O delegado da Área de Deportes da Deputación de Lugo, Antonio Veiga, recibiu este martes na Casa do Mar de San Cibrao ao equipo directivo, corpo técnico e a varios dos atletas veteranos que representaron ao Club Deportivo Egovarros de Viveiro nos últimos torneos nacionais, estatais e mundiais de atletismo na citada categoría. Así, no transcurso da súa intervención, o nacionalista resaltou os logros acadados pola sociedade deportiva na última edición dos Campionatos de Galiza, España e do Mundo que tiveron lugar en A Coruña, Zaragoza e Lathi (Finlandia) nos meses de febreiro, marzo e agosto, respectivamente.
Alén disto, Antonio Veiga salientou a necesidade de potenciar a figura e o traballo realizado por destes deportistas veteranos e tamén, o labor de promoción desenvolvido polo club que os alberga. Para o delegado da Área de Deporte, a carreira deportiva destes atletas “é un exemplo a seguir para os deportistas noveis e para mocidade en xeral”. Nesta liña, o nacionalista lembrou que a Deputación de Lugo “seguirá traballando en prol dun maior e mellor desenvolvemento de todos e cada unha das disciplinas deportivas practicadas ao longo da xeografía lucense”.
Logo disto, o delegado da Área de Deportes recalcou a “existencia dun compromiso firme e un proxecto, xa en funcionamento, para colaborar coas asociacións, entidades e clubs de Lugo no seu labor de formación e/ou dinamización do deporte en todos os eidos e espazos.” Así, o presidente do Club Deportivo Egovarros de Viveiro, Francisco Fernández, destacou o bo funcionamento e gran acollida que está a ter esta iniciativa promovida por unha das áreas que xestionan os nacionalistas.
Un club cun palmarés ateigado de trofeos
Os atletas Julián e Xesús Bernal estiveron presentes nun acto no que a Deputación de Lugo lle rendeu homenaxe a un club de primeira categoría que, xunto aos seus veteranos, acadou numerosos éxitos nos últimos meses. De feito, no Campionato Mundial de Veteranos en pista ao aire libre que tivo lugar en Lathi (Finlandia), Julián Bernal proclamouse vencedor da carreira de 5.000 metros e quedou terceiro na proba de 800 metros na categoría M-90.
Xa no Campionato de España para Veteranos de Pista Cuberta que tivo lugar en Zaragoza o pasado mes de marzo, o propio Bernal acadaba tres medallas de ouro e batía unha marca universal percorrendo 3.000 metros en 19 minutos, 59 segundos e 60 décimas de segundo. Pola súa banda, a súa compañeira Francisca Romasanta acadaba unha medalla de prata e outra de bronce nos 800 e 3.000 metros lisos na categoría M-60. Neste torneo tamén cómpre salientar a actuacións doutros dous integrantes da sociedade deportiva: Jesús Bernal e Eliseo López. No que atinxe ao Campionato Galego de Veteranos que se disputou a comezos do mes de febreiro en A Coruña, o Club Deportivo Egovarros de Viveiro conseguiu un total de 38 medallas: 19 ouros, 7 pratas e 12 bronces.
A Sociedade Deportiva Egovarros naceu en Viveiro no ano 1992 coa intención de crear unha entidade que fomentase a práctica de diversas disciplinas entre os máis novos. Para iso, creáronse seccións de atletismo, fútbol sala masculino e feminino e duatlón. Aínda que na actualidade o club está composto maioritariamente por atletas veteranos, tamén participaron ou seguen a participar varios membros da agrupación que militan nas categorías infantís e seniors.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
