Lugo, 17 de decembro de 2014.- O salón de actos do Pazo de San Marcos foi escenario esta mañá da entrega de premios do primeiro Concurso Postal do Nadal Dixital. Ao acto que presidiu o responsable de Cultura e Turismo da Deputación, o nacionalista Mario Outeiro, e no que tamén estiveron presentes a xerente da Rede Museística Provincial, Encarna Lago, e a directora do Museo Provincial de Lugo, Encarna Lago, asistiron os premiados xunto a máis de 150 alumnos e alumnas chegadas desde sete centros educativos da provincia de Lugo. Cómpre recordar que nesta primeira edición achegáronse máis de 300 deseños e participaron 18 colexios e institutos de toda a provincia.
O acto comezou co saúdo institucional de Mario Outeiro, que foi cortado polo dúo teatral Pataca Miúda, quen conduciron a partir de aí o evento e fixeron as delicias tanto dos máis pequenos como dos mestres que os acompañaron ao Pazo de San Marcos. Eles foron os encargados de ir presentando aos premiados e de axudar na entrega dos galardóns e recordos. Así mesmo, tamén realizaron varios regalos a aqueles que responderon primeiro a unha serie de preguntas.
A alumna de 2ª de Primaria do CEIP A Gándara de Monforte, Mencía Álvarez Díaz, recolleu o premio especial á mellor postal, que lle entregou o delegado de Cultura, Mario Outeiro. O seu deseño será a tarxeta coa que feliciten estas festas do Nadal as áreas da Vicepresidencia Primeira da Deputación de Lugo. Na súa postal aparece o castelo da súa cidade natal e figuras propias do Nadal como O Apalpador.
Premio especial para Mencía e os seus compañeiros de curso
Por esta distinción, Mencía Álvarez recibiu unha tablet de última xeración, un pendrive, un suadoiro e material divulgativo. Asemade, non foi ela a única premiada, xa que tamén gozaron dun premio todos os seus compañeiros de 2º de Primeira do CPI A Gándara, tanto os do seu grupo A como os do B. En total serán 35 os estudantes que participarán nunha viaxe cultural pola provincia de Lugo nos próximos meses con todos os gastos pagados: transporte, almorzo, actividades, etc.
Tres categorías en función das idades
Establecéronse tres categorías distintas, en función das idades. Deste xeito, a primeira categoría estaba dirixida aos alumnos e alumnas entre os 4 e os 6 anos, a segunda para aqueles que teñen entre 7 e 9, mentres que na terceira concorrían os de 10 aos 14 anos.
Na primeira categoría (4-6 anos), a postal gañadora foi a de Nayara Cortiñas Cortiñas, do CPI Casás (Lugo). Segundo foi o deseño de Brais Peña González e o terceiro premio recaeu na postal de Electo Docando Freire, ambos os dous estudantes do CEIP Veleiro Docampo, de Castro Ribeiras de Lea. A autora da mellor postal foi obsequiada cun xogo didáctico, un pendrive, un lote de libros, un suadoiro, lapiseiros de cores e material divulgativo. O segundo levouse un pendrive, un lote de libros e lapiseiros de cores. Pola súa banda, o terceiro recibiu un pendrive e lapiseiros de cores.
En canto á segunda categoría (7-9 anos), Mencía Álvarez Díaz (vencedora do premio especial) recibiu o primeiro premio, a alumna do CPI de Bretoña (A Pastoriza) Iria Castrillón conseguiu o segundo e o terceiro foi para Xurxo González Rodríguez, do CEIP A Gándara (Monforte). O primeiro premio nesta franxa de idade consistiu nun pendrive, un lote de libros, un suadoiro e material divulgativo; o segundo nun pendrive, suadoiro e material divulgativo da Vicepresidencia 1ª da Deputación de Lugo; mentres que o terceiro compoñíase dun pendrive e material divulgativo.
Finalmente, na terceira categoría (10-14 anos), a vencedora foi Marcela Miñambres Pardo, do CPI As Nogais. En segunda posición rematou Héctor Lolo, tamén do centro das Nogais, e terceiro foi Daniel Souto Vega, do CEIP A Ponte (Lugo). A autora da mellor postal deste grupo levou un pendrive, un lote de libros, un suadoiro e material divulgativo; o segundo un pendrive, un lote de libros e material divulgativo; mentres que o terceiro foi obsequiado cun pendrive e material divulgativo
Invitados todos os centros e participantes á entrega de premios
Na entrega de premios estiveron presentes alumnos dos seguintes centros: CEIP Veleiro do Campo (Castro Ribeiras de Lea), CPI San Miguel de Reinante (Barreiros), CPI As Nogais, CPI Bretoña (A Pastoriza), CPI Casás (Lugo), CPI A Gándara (Monforte) e o CPI A Ponte (Lugo).
Tamén enviaron deseños ao concurso alumnos e alumnas dos seguintes centros:
CEIP Menéndez Pelayo (Lugo)
IES Illa de Sarón (Xove)
CEIP Francisco Daviña Rey (Monforte)
CEIP Juan Rey (Lourenzá)
CEIP Vista Alegre (Burela)
CEIP Rosalía de Castro (Lugo)
CEIP Anexa (Lugo)
CEIP Cervo
CEIP Láncara
CEIP Insua Bermúdez (Vilalba)
CEIP San Cosme de Barreiros
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
