Burela, 18 de decembro de 2014.- O vicepresidente e responsábel de Benestar e Deporte, o nacionalista Antonio Veiga, achegouse esta tarde á sede do Burela FS para firmar un convenio de colaboración excepcional a través do que a entidade mariñá recibirá 12.000 euros. En representación do club burelés acudiu asinar o seu presidente, Manuel Blanco Fanego. Tamén asistiron a xogadora do primeiro equipo Paula; a delegada do primeiro equipo María Lopez; e as futbolistas do filial, creado esta temporada e que compite en Provincial, Noemí e Matilde.
Esta axuda vai destinada a sufragar unha parte importante do proxecto ‘Medrando 2.0’, que o club burelista puxo en marcha este ano e cuxas dúas liñas de actuación fundamentais son a creación dun equipo filial, que compite na Liga Provincial, e a posta en marcha dun plan de acción concreto na difusión e promoción dos dous conxuntos femininos que ten a entidade. “Un ano máis seguimos colaborando co Burela FS en xeral, pero especialmente co equipo feminino. Foi o que máis éxitos deu a este club e á provincia de Lugo, xa que foi o primeiro que ganou a Liga e a Copa na máxima categoría. Iso desde logo fainos estar moi ledos, pero o importante é o traballo que están facendo dende o Burela FS polo deporte feminino”, valorou Antonio Veiga.
“Aposta difícil e arriscada polo fútbol sala feminino”
Este plan de acción de difusión e promoción xira en torno a dous eixos fundamentais, como son a promoción e difusión do fútbol sala feminino en toda a provincia de Lugo e analizar a realidade social do entorno para valorar a creación de máis equipos de categorías base. Neste senso, Antonio Veiga recordou e salientou a aposta que fixo o club laranxa anos atrás, axudando a impulsar o fútbol sala feminino na comarca e na provincia de Lugo. “Sabemos que foi unha aposta difícil e arriscada no seu día, pero desde logo que contan co noso máximo apoio, tanto desde a área de Deporte como desde a de Igualdade. Cremos que é un exemplo a imitar e os froitos estanse vendo ao longo dos anos con moitas nenas participando xa dende moi nenas no deporte, neste caso no fútbol sala”, destacou.
Nesta aposta por promocionar o fútbol sala feminino, alén dos títulos acadados no pasado e de ser un dos referentes na Primeira División Feminina, o Burela FS colaborou coa organización nos últimos tres anos de dúas edicións da Copa de España (no 2011 e neste presente 2014). Asemade, en xaneiro deste ano tamén formou parte do comité organizador do Campionato de España de seleccións territoriais de fútbol sala feminino Sub-17, que se celebrou en Burela.
Veiga tamén recordou que o Burela FS é o único club de todo o Estado que conta con equipo masculino e feminino na máxima categoría do fútbol sala. “Invito a todos os clubs a seguir este traballo que está facendo o Burela FSF e neste sentido, para impulsar o deporte feminino, sempre terán toda a nosa colaboración”, remarcou o vicepresidente e responsable de Benestar e Deporte da Deputación de Lugo.
Parabéns ás tres mundialistas
O vicepresidente provincial aproveitou a sinatura deste convenio para felicitar a Jozi, Peque e Shiori, as tres xogadores burelistas que veñen de disputar o Mundial coas súas respectivas seleccións. “Quero aproveitar para felicitar a esas xogadores que participaron no Campionato do Mundo de fútbol sala feminino. Desde logo, é un pracer ter no Burela FSF á campioa do mundo, a porteira Jozi, pero tamén estender os parabéns ás outras que participaron, tanto coa selección española como coa xaponesa”, sinalou.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
