Lugo, 18 de decembro de 2014.- O Presidente da Deputación, José Ramón Gómez Besteiro, pechou este xoves a segunda edición do ciclo de debates Galicia en Clave Económica organizado pola institución provincial e Economía Dixital, en colaboración co Grupo El Progreso. Trátase dun conxunto de xornadas abertas ao público e gratuítas, que dende o pasado ano vén xuntando aos mellores expertos para analizar a realidade socioeconómica de Galicia e as súas potencialidades.
Balance de sete anos de crise foi o derradeiro debate desta edición, no que se someteu a análise, dende diferentes puntos de vista, o impacto e as consecuencias dos sete anos de crise; a máis duradeira do capitalismo se se exceptúa a Gran Depresión dos anos 29.
Durante a apertura do encontro, que tivo lugar no Salón de Actos do Pazo de San Marcos e ao que tamén asistiu o Alcalde de Lugo, José López Orozco, o Director de Economía Digital, Juan García, e o xornalista especializado en economía deste medio Julián Rodríguez; o Presidente recalcou que “na grave coxuntura que vivimos, que parece alongarse demasiado no tempo e que necesita respostas inminentes e contundentes para poder saír fortalecidos. Ninguén se pode quedar atrás”. A Deputación contribúe traballando a diario en políticas dirixidas a reactivar o mercado laboral, “xa que máis de 24.680 lugueses se atopan actualmente en situación de desemprego”, lembrou Gómez Besteiro, ao tempo que sinalou a aposta da Deputación por un “emprego estable e de calidade”.
O Presidente tamén apuntou que “a fuga de cerebros preocupa á Deputación. Ante o simplismo de certas solución doutras administracións, avogamos porque o talento xuvenil galego fique na casa. Non nos podemos permitir que se vaian as xeracións encargadas de achegar os relevos xeracionais e laborais que tanto necesitamos”.
3 expertos en economía para dar conta da crise
Na xornada, na que se deu conta da situación actual e do posible inicio de recuperación, participaron tres expertos en economía: Fernando González Laxe, ex presidente da Xunta de Galicia e de Portos do Estado e Catedrático de Economía Aplicada da Universidade da Coruña; Santiago Lago Peñas, Catedrático de Economía Aplicada na Universidade de Vigo e director do Foro Económico de Galicia e Xaquín Fernández Leiceaga, Doutor en Ciencias Económicas e director do Instituto Universitario de Estudos e Desenvolvemento de Galicia (Idega) da Universidade de Santiago.
A Fundación TIC ocupouse, como nas anteriores xornadas, de retransmitir en directo a xornada a través da páxina web da Deputación www.deputacionlugo.gal
Por toda a provincia
O ciclo Galicia en clave económica recorreu nas dúas edicións toda a xeografía luguesa para analizar o futuro económico de Galicia. Neste 2014 os debates tiveron lugar en Lugo, Viveiro, Ribadeo, Vilalba, Monforte de Lemos, Chantada e A Fonsagrada; onde se abordaron temas tan problemáticos como a sangría demográfica ou o incerto futuro do sector forestal, así como outros asuntos como o desenvolvemento da marca Galicia ou os retos do turismo e do sector vitinícola.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
