RIBADEO (FNC) .- O domingo, 23 de agosto, celébrase o VII Campionato de pesca deportiva de embarcación fondea da Villa de Ribadeo, que organiza a sección de pesca deportiva do Clube Náutico de Ribadeo en colaboración co Concello. Nesta nova edición, participarán pescadores galegos de Pontevedra e Lugo e tamén de diversos concellos asturianos como Gijón, Oviedo, Avilés e Pola de Siero.
O prazo de inscrición está aberto ata este sábado, día 22 de agosto, ás 13.30 horas e polo momento hai un total de 42 participantes anotados.Todos eles irán repartidos en 13 embarcacións habilitadas polo club e en caso de que dende hoxe ata o sábado aumenten as inscricións tamén se incorporarán máis botes de pesca.
A xornada do domingo, na que se celebrará este VII Campionato de pesca deportiva, comezará ás 7.00 horas coa concentración de pescadores no Club Náutico, a formalización da inscrición e a recollida de número e bolsa. Ás 7.30 horas, as embarcacións comezarán a saír cara a zona de pesca que será entre a Punta da Cruz, na desembocadura da Ría de Ribadeo e a Punta Coveira en Rinlo. Cando tódalas embarcacións estean ben situadas, ás 8.00 horas un foguete dará o sinal de comezo do campionato que finalizará sobre ás 13.00 horas da mesma maneira. Dende as 13.40 ata as 14.10 horas terá lugar, no local da sección de pesca, a pesada das capturas e para rematar ás14.30 horas os participantes gozarán dunha comida nun restaurante do porto e despois terá lugar a entrega de trofeos, que constará de premios para os 5 primeiros clasificados e unha mención especial para a peza maior.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
