Ribadeo, 2 de xaneiro de 2015. Un paxe real está a recibir na xornada deste venres, e tamén este sábado 3 de xaneiro e o domingo 4 ós nenos e ás nenas que queiran deixarlle as súas cartas ou as súas inquedanzas sobre os Reis Magos. O paxe real atópase na entrada do Cine Teatro, en Ribadeo. Trátase dunha das actividades da campaña de Nadal de Acisa.
A Asociación de Comerciantes, Industriais, Servizos e Autónomos de Ribadeo sorteará na súa 4ª Festa do Comercio 1.500 euros en vales de compra para gastar nos establecementos asociados ata finais do mes de xaneiro. Todas as persoas que realicen as súas compras en Ribadeo ata o 9 de xaneiro recibirán papeletas para entrar no sorteo que terá lugar o día 10 de xaneiro ás 20 horas no Cine Teatro.
Haberá un premio de 500 euros, un premio de 400 euros, outro de 300 euros, un premio de 200 euros e outro de 100 euros. Desde a directiva de Acisa lembran que “para ter dereito aos premios será necesario estar presente no sorteo e levar a papeleta premiada”. Tamén indican que “as papeletas deben levar o selo dos establecementos que as reparten, e a matriz debe quedar en poder do local en cuestión, xa que son esas matrices as que se meten no bombo para entrar no sorteo”.
Acisa anima a ribadenses e visitantes a realizar as súas compras de Nadal en Ribadeo “porque hai 1.500 euros en premios para agasallar á fiel clientela dos establecementos comerciais e hostaleiros da nosa vila”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
