O Valadouro, 17 de xaneiro de 2015. A área de Deportes da Deputación achegará 14.000 euros para a renovación do céspede do campo de fútbol do Valadouro. O vicepresidente da Deputación, o nacionalista Antonio Veiga, visitou este sábado as instalacións do Árbol acompañado por membros do clube e do equipo de fútbol local.
As obras consistirán na renovación completa do céspede, mediante o escarificado do terreo, o aireado mecánico e a recollida de tacos, o enareado do terreo e o aboado e resembra da herba. “Trátase de realizar obras de mantemento e mellora da infraestrutura existente para así mellorar as posibilidades do campo e o seu uso habitual”, explicou Veiga, que avanzou que se pretende así “estimular a oferta deportiva favorecendo a participación das categorías infantís e escolares e a interrelación das categorías inferiores dos colexios co clube de fútbol da Asociación Deportivo cultural O Valadouro, de maneira que se fomente a canteira, o deporte base e o deporte escolar”.
“Queremos que o campo estea en boas condicións e permita ser usado moitas máis horas á semana para que os nenos e nenas poidan tamén facer uso del e incidir deste xeito no fomento do acceso ao deporte de base do colectivo infantil e xuvenil do concello, poñendo en valor as instalacións xa existentes e ofrecendo unha alternativa de ocio que trata de vincular a actividade deportiva escolar coa incorporación dos escolares á práctica competitiva a través do club local”, dixo o vicepresidente da Deputación, que aclarou que “as obras comezarán na primavera, cando mellore o tempo e unha vez remate a actual tempada, para non interferir na competición”.
Melloras noutras instalacións deportivas da comarca
Antonio Veiga destacou o “apoio da Vicepresidencia da Deputación ao mundo do deporte na comarca da Mariña nos últimos anos, un apoio que foi total e absoluto e que beneficiou a todas as disciplinas deportivas e a todos os clubes existentes, de todos os concellos da comarca”, lembrou.
Defendeu asemade as “melloras producidas nestes últimos anos nas instalacións deportivas de moitos concellos co obxectivo de consolidar a existencia dunha rede de instalacións deportivas públicas que responda ás necesidades reais da poboación, considerando a práctica de deporte como unha fonte de saúde e un mecanismo esencial da sociedade do benestar”, defendeu.
Na comarca da Mariña, a Vicepresidencia da Deputación subvencionou nos últimos meses obras nos campos de fútbol de Ribadeo, Trabada e Lourenzá e tamén concedeu axudas para melloras no pavillón municipal de Alfoz, nas piscinas de Cervo e de Xove e no campo de bolos de Riotorto. En total, destínanse anualmente máis de tres millóns de euros para a promoción do deporte na provincia de Lugo, dos que unha parte moi importante van directamente a equipos e clubs deportivos e o resto á construción ou mellora das instalacións deportivas existentes na provincia.
“As axudas aos clubes e asociacións deportivas manteránse no 2015”
O vicepresidente da Deputación de Lugo e responsable da área de Deportes, o nacionalista Antonio Veiga, tamén destacou o esforzo realizado pola institución lucense a través do seu departamento e que “chegan á totalidade do tecido deportivo da provincia e a todas as disciplinas deportivas, dende as que contan con máis practicantes, como o fútbol, o fútbol sala, o baloncesto ou o atletismo, a outras máis minoritairas, como tiro con arco, tenis de mesa, submarinismo, patinaxe, motociclismo, loita, equitación, bátminton, natación, ou deportes tradicionais como os bolos ou a billarda”. En total, son 50 as modalidades deportivas diferentes que reciben axuda da Deputación, que benefician a benefician a máis de 200 clubs e asociacións deportivas lucenses e á totalidade dos concellos da provincia.
Antonio Veiga avanzou ademais que “pese á crise, manteremos e incrementaremos neste ano 2015 as cantidades do ano pasado porque nin os clubs de base nin as persoas que practican deporte na provincia de Lugo teñen culpa ningunha desta crise”. Só nos últimos tres anos, a Deputación de Lugo investiu máis de 9 millóns de euros en deporte na provincia de Lugo, explicou Veiga. “Non é casualidade que desde o ano 2008, coa nosa entrada no goberno, a Deputación de Lugo sexa das Deputacións do Estado que máis diñeiro inviste en deporte por habitante”, dixo. Veiga reafirmou que “con estas axudas democratizamos o deporte de base, todos os equipos e agrupacións deportivas da provincia poden beneficiarse destas axudas, tanto para a organización de actividades deportivas de natureza competitiva ou non competitiva e levar a cabo eventos deportivos. É fundamental que todas as persoas teñan acceso ao deporte independentemente da modalidade que sexa e do lugar no que vivan”, defendeu.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
