Os de Juanlu non defraudaron este sábado en Vista Alegre. Chegaban co obxectivo dos tres primeiros puntos da segunda volta e de 2015 e non titubearon ante o Levante UD DM (4-0), dando unha mostra máis da súa evolución e madurez, conseguindo ademais finalizar coa *portería a 0 por primeira vez esta tempada, cunha actuación perfectísima de Álex.
Chano foi o encargado de inaugurar o marcador xa no minuto 4, ao recoller desde a banda un balón de Mata, que esperou no área visitante o pase do Bellvert tras recuperación en media pista. As ocasións tiñan firma laranxa. No 6 o meta valenciano, Yeray, estivo moi atento ante un balón longo que se intentou coar por arriba; tamén desbaratou as intencións de Chano desde saque de esquina. Aínda que nada puido facer, no 8, ante Iago, que aproveitou un excelente pase de Antoñito para subir o 2-0.
Con cinco faltas no minuto 13, os mariñáns souberon reaccionar con intelixencia e seguir xerando perigo en ataque. No 15, Iago, asistido por Chano, non puido bater a Yeray. Unha das ocasións máis claras para o Levante a protagonizou Ossorio no 18, pero topouse co pau. O 3-0 puido estar nos pés de Chano novamente a falta de 30 segundos para o descanso, pero o 11 laranxa non puido controlar o balón fronte á portería visitante. Inmediatamente, Álex, outra vez sublime, evitou que os visitantes recortasen distancias freando un potente disparo afastado de Márquez.
Os primeiros minutos da segunda parte puxéronse costa arriba para os da Mariña con máis traballo para Álex. Antes do cumprirse o minuto 21, o gardameta laranxa saíu victorioso ante dobre lanzamento de Pedro e Kiko e segundos máis tarde de Ossorio. Revert tamén buscou con insistencia a meta burelista desde a banda.
No minuto 26 chegou a primeira ocasión para ampliar a renda dos galegos, de Carlitos. Acto seguido, Bellvert e Iago tamén intentaron sorprender, sen éxito, a Yeray. Tras un mísil desde media pista de Matamoros, rozando o ecuador, quen si puido bater a portería valenciana de novo foi Chano, que aproveitou un balón morto no área, tras falta de Yeray sobre Iago Míguez. Ossorio, un dos máximos perigos dos levantinos, intentou acurtar distancias no 35, con correcta saída de Álex e posterior despexe de Bellvert. Tralo prodixioso pé que Yeray sacou ante Antoñito, os valencianos apostaron polo xogo de cinco con Márquez, a pouco máis de tres minutos para o final, sen éxito. O 4-0 subiu ao marcador por propia porta de *Pedro no 38, na tentativa de salvar un disparo de Iago Míguez. Os galegos dispuxeron de dous dobres penaltis nos pés de Mata nos últimos minutos.
Nunha cita na que por fin o Burela FS Pescados Rubén non estaba condicionado pola enfermaría, o lastre das lesións volveu aparecer. A falta de case tres minutos para o descanso Isi sentiu un pinchazo na coxa que o obrigou a retirarse; haberá que esperar un mínimo de 48 para coñecer o verdadeiro alcance da lesión muscular do 7 laranxa.
Ficha técnica
Burela Pescados Rubén: Álex, Iago Míguez, Isi, Matamoros, Antoñito, cinco inicial; tamén xogaron Bellvert, Chano, Carlitos, Rubén.
Levante UD DM: Yeray, Kiko, Pedro, Sena, Ossorio, cinco inicial; tamén xogaron Revert, Jordi, Márquez, Oviaño, Rafa Ara.
Goles: 1-0, minuto 4, Chano; 2-0, minuto 8, Iago Míguez; 3-0, minuto 30, Chano; 4-0, minuto 38, Pedro (p.p.).
Árbitros: Sanzol Goñi // Urdanoz Apezteguia (Navarra)
Tarxetas: Por Burela amarela a Carlitos (minuto 5). Por Levante amarela a Jordi, Oviaño (minuto 29), Yeray (minuto 30), Kiko (minuto 31), Márquez (minuto 39)
Incidencias: Partido correspondente á xornada 18 da Primeira División da Liga Nacional de Fútbol Sala disputado en Vista Alegre. 900 espectadores.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
