Cervo, 22 de xaneiro de 2015.- O alcalde de Cervo, Alfonso Villares, fixo pública a súa “satisfacción” polo “remate do proceso para declarar a Fábrica de Cerámica de Sargadelos como Ben de Interese Cultural na categoría de monumento”. O Diario Oficial de Galicia http://ow.ly/HKsX5 publica hoxe o decreto da declaración, baixo a que se protexen todos os bens da fábrica ligados ao Laboratorio de Formas.
O rexedor asegura que “esta é unha moi boa noticia para a fábrica de Sargadelos, para os veciños, para o municipio, pero tamén para toda Galicia, para o noso patrimonio, a nosa cultura e a nosa historia”. Ademais, Villares destacou que a Xunta tivo en conta e aceptou as alegacións dos veciños, unhas propostas que plantexaran ao Concello e que este tramitou e asumiu como propias. “Queremos agradecerlle ao Goberno galego que atendese as preocupacións dos cervenses”, engade.
Ao mesmo tempo resaltou que “hoxe publícase a declaración, faise oficial, pero este era un compromiso da Xunta de Galicia que levaba tempo tramitándose”. Villares lembra que foi un trámite longo, no que estaban implicados numerosos departamentos e entidades, e que levaba consigo un exhaustivo traballo de documentación.
Polo tanto, para o rexedor, a publicación do decreto é “a finalización dun proceso que comezou hai anos co compromiso da Xunta, que amosara a súa preocupación e intención por conservar e protexer Sargadelos”.
Ao mesmo tempo, o primeiro edil destacou a importancia desta declaración “xa que a cerámica de Sargadelos, e o proxecto cultural e identitario que iniciaran Isaac Díaz Pardo e Luis Seoane forman parte de forma indivisible da cultura e a historia de Galicia”. Ademais, Villares asegura que esta declaración tamén é, “dalgunha forma, un recoñecemento á labor destes dous intelectuais, xa que aposta pola conservación dun complexo que revolucionou a arte e a industria galega do século XX”.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
