Lugo, 27 de xaneiro de 2015. O Pleno da Deputación provincial aprobou este martes unha moción do BNG en apoio aos emigrantes retornados galegos e en contra da “persecución e discriminación” á que están sendo sometidos por parte do Ministerio de Hacienda. O BNG criticou, na súa intervención no Pleno, este “acoso fiscal” do Goberno de Mariano Rajoy aos emigrantes retornados galegos mentras “defraudadores confesos, coma o señor Bárcenas, saen da cadea”.
O voceiro nacionalista na Deputación, Mario Outeiro, contrapuxo: “Bárcenas sae do cárcere despois de terse levado ao estranxeiro ducias de millóns de euros, os Pujol teñen en paraísos fiscais moreas de cartos, Urdangarín usou a Casa Real para estafar diñeiro público, e mentres todo isto acontece, o Ministerio de Hacienda a quen persegue é a centos de emigrantes galegos que volven ao noso país despois de décadas de sacrificio e traballo no estranxeiro e que traen para aquí as divisas que gañaron fóra, ao contrario ca Bárcenas, Pujol ou Urdangarín”.
Hai meses os galegos e galegas emigrantes recibiron multas da Axencia Tributaria para que declarasen as cantidades percibidas noutros países. Diante desta inxustiza, produciuse unha forte resposta social. Estas persoas nunca recibiron ningún tipo de información previa en relación coa súa obriga de declararen as contías das pensións percibidas no estranxeiro. Existía un total descoñecemento da obriga de facer esa declaración anual do IRPF, o que confirma a falta de intencionalidade de defraudar pola súa parte, e que se apoia co feito de que os estados pagadores nunca lles expediron ningunha certificación en relación coas cantidades percibidas.
Foi a presión que realizou con intensidade a Coordinadora Nacional Galega de Emigrantes Retornados/as, apoiados por organizacións coma o BNG, a que conseguiu que se saiba quen son os verdadeiros defraudadores e que se coñeza que houbo un trato inxusto e discriminatorio cos/coas pensionistas retornados/as. Tamén esa contestación social motivou a introdución na reforma fiscal deste 2015 dun “proceso de regularización” dirixido a este colectivo que, con todo, é unha solución parcial que non asegura un tratamento fiscal equitativo e non discriminatorio respecto doutras persoas que só perciben pensións de organismos do Estado español.
O proceso de regularización fiscal, unha solución cosmética e electoral
Por iso, a moción aprobada considera que “non se pode consentir que se lle dea unha solución simplemente cosmética ás xustas demandas deste colectivo coa Axencia Tributaria por atopármonos nas vésperas dun ano de importantes envites electorais”. Son imprescindíbeis medidas reais para que a tributación das pensións de emigrantes retornados/as sexa xusta e igualitaria, que os impostos que soportan non teñan un tratamento legal diferente polo simple feito de ter desenvolto unha parte da súa vida laboral no estranxeiro, denuncia o Bloque.
Na súa moción, o BNG reclama medidas como unha modificación lexislativa para fixar un mesmo réxime do IRPF para as rendas procedentes de pensións, con independencia de se estas proceden dun estado ou de varios estados; o recoñecemento de oficio das pensións de invalidez dos países de procedencia coa finalidade de acreditar a exención na tributación destas pensións; solicitar información dos países nos que estiveron emigrados, sobre todo de Suíza, para verificar que as prestacións xa están sometidas a gravame no país de orixe para evitar a dupla imposición; e, finalmente, a revisión dos convenios marco con outros países para evitar que situacións deste tipo poidan volverse a producir.
“Os nosos e as nosas emigrantes retornados/as non son defraudadores, coma Bárcenas, Pujol ou Urdangarín, son traballadores e aforradores que se merecen unha xubilación digna despois dunha vida de esforzo e traballo”, conclúe Mario Outeiro.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
