Lugo, 27 de xaneiro de 2015.- A voceira do Grupo Provincial do Partido Popular na Deputación de Lugo, Elena Candia, lamentou este martes durante o transcurso da sesión plenaria que o presidente da administración lucense se limite a pór deberes ao resto dos entes públicos mentres “di non a cumprir cos seus”.
Así o puxo de manifesto a popular tralo debate dunha proposta do equipo de goberno para darlle traslado á Xunta e ao Goberno central das demandas da cidadanía durante a elaboración dos orzamentos participativos.
Para a popular o goberno provincial non está lexitimado para darlle leccións nin a Xunta nin ao Goberno central, cando os socialistas e nacionalistas non cumpren na Deputación coas responsabilidades que son da súa exclusiva competencia.
Candia explica que o seu grupo rexistrou unha emenda para que a Deputación fose sensible ás peticións dos cidadáns da provincia de Lugo e, proxectase, financiase e executase, dentro das súas posibilidades, as demandas recollidas que son da súa competencia. A popular lamenta que os nacionalistas e socialistas votasen en contra desta emenda e se negasen a atender ás peticións dos lucenses.
O POS, un exemplo da falta de compromiso da Deputación
Candia criticou que a Deputación de Lugo ademais de negarse a cumprir coas peticións dos veciños trasladadas para a elaboración dos orzamentos participativos, tamén xestione de costa aos concellos non cumprindo coas súas competencias.
A popular criticou que a Deputación trae, un ano máis, a pleno o peor Plan de Obras e Servizos (POS) de toda Galicia. Unha proposta que, segundo a popular, deberíase chamar “plan dos concellos”, xa que a achega económica das administracións locais supera en máis de 260.000 euros a do ente provincial.
Partindo das mesmas circunstancias, a Deputación Provincial de Lugo achega aos concellos 959.529,16 euros; mentres que a da Coruña aporta 24,2 millóns, a de Pontevedra 12 millóns e a de Ourense 4,8 millóns.
Pasan o rodillo ás mocións do GPP
O POS é o único plan da Deputación dirixido a concellos que se articula mediante criterios obxectivos, garantindo as condicións de igualdade e concorrencia, xa que o mecanismo predominante na Deputación de Lugo realízase mediante a firma de convenios excepcionais. Os socialistas e nacionalistas no que vai de lexislatura outorgaron en torno a 11 millóns de euros en subvencións excepcionais a concellos afíns, mentres excluíu a 39 municipios populares do reparto destas axudas.
Así, os populares presentaron unha iniciativa plenaria para que a administración provincial crease un plan, elaborado en consenso cos municipios, dirixido a compensar a falta de colaboración da Deputación cun amplo número de concellos da provincia. Os deputados socialistas e nacionalistas votaron en contra de restablecer o desequilibrio económico no reparto de fondos públicos da administración.
O goberno provincial tamén votou en contra da proposta do PP para o arranxo de estradas de importante demanda dos veciños ao longo da provincia de Lugo e que requiren de actuacións urxentes (Vía Litoral de Barreiros, C.P. 6101 de Pedrido, por Sante, á Ría en Trabada; C.P. 1901 de Fonsagrada a Navia; C.P. 5903 de Sober a Doade e C.P. 5904 de Sober, por Gundivos, a Vilacha e Accesos a Santa Cruz de Sanmil e a de Pacios (Paradela) a Currelos (Saviñao).
Servizo de Axuda no Fogar
O equipo de Goberno da Deputación Provincial de Lugo rexeitou debater a moción de urxencia do GPP relativa ao financiamento por parte da administración lucense do servizo de axuda no fogar.
Os populares rexistraron esta moción de urxencia tras que o Tribunal Superior de Xustiza de Galicia acordara desestimar, -na súa integridade- o recurso contencioso administrativo interposto a instancia do Goberno bipartito da Deputación en contra do Decreto de Servizos Sociais 99/2012 de 16 marzo.
Candia explica que a proposta popular instaba á Deputación a dar cumprimento ao establecido na referida sentencia e adoptar as medidas técnicas e orzamentarias precisas para liquidar as débedas contraídas cos concellos lucenses de menos de 20.000 habitantes, correspondente ao financiamento do servizo básico de axuda no fogar, dos exercicios 2012, 2013 e 2014, segundo o modelo previsto no Decreto 99/2012, de 16 de marzo polo que se regulan os servicios sociais comunitarios e o seu financiamento.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
