Burela, 29 de xaneiro de 2015. O alcalde, José Mª González Barcia, asistiu en Madrid na Dirección General Sostenibilidad de la Costa, dependente do Ministerio de Agricultura, Alimentación e Medio Ambiente, a unha xuntanza con técnicos dese departamento, de Portos de Galicia e de Augas de Galicia “para ir perfilando detalles de cara a planificar de forma definitiva unha solución aos problemas que nos está a xerar a actual estación depuradora de augas residuais”.
O rexedor explicou que “a reunión tivo un carácter marcadamente técnico porque, como se sabe, na zona onde está situada a actual Edar hai confluencia de competencias de distintas administracións e entendemos que esta xuntanza tiña que producirse para aclarar conceptos e tramitacións a seguir. O encontro foi positivo, quedan algúns flocos por concretar, pero pouco a pouco se vai vendo unha solución aos problemas que nos plantexa a Edar”.
González Barcia relatou que “son dúas as alternativas que se están a estudar neste momento. Unha pasa por facer unha reforma profunda da actual estación depuradora de augas residuais. Neste caso actuariamos cunha marxe de incerteza en tanto en canto non se podería saber si esa reforma ía dar resultado a longo prazo. E a segunda alternativa que se baralla é a de construír unha nova Edar. Hai administracións con competencias no ámbito de actuación e o primeiro que hai que dirimir son cuestións de tipo técnico para que cando chegue o momento de adoptar a solución definitiva non haxa ningún tipo de inseguridade xurídica que nos permita sacar adiante a alternativa que se decida”.
O alcalde indicou que “é probable que nas próximas semanas se poidan manter novas xuntanzas de carácter técnico, pero a de hoxe como antes dicía foi un paso importante porque había que aclarar cuestións e marcar criterios en común e nesa liña de traballo se está”. O encontro deste xoves en Madrid asistiu tamén o presidente de Portos de Galicia, José Juan Durán.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
