A Deputación mellorará en Foz a estrada provincial LU-P-2007. É a vía que une as parroquias de Nois e Cordido, que contan cun milleiro de veciños, así como unha das máis transitadas da zona. O Presidente, José Ramón Gómez Besteiro, que supervisou o seu estado, adiantou que a institución executará con fondos propios un plan integral que suporá a mellora dos 5 quilómetros deste vial.
O conxunto de actuacións que se levarán a cabo consistirán no acondicionamento da calzada con rego asfáltico, mellora da canalización, así como da sinalización vertical e horizontal, e limpeza de cunetas. Tamén se incrementará a seguridade coa colocación biondas.
Técnicos provinciais do Parque Móbil encargaranse da realización destes traballos dentro da aposta da Deputación polo impulso do público e a optimización dos recursos para o aforro de custes.
Pontes do Apeadero e da Carreira
En Nois, Gómez Besteiro comprobou o estado de varias pontes, que fan de paso superior sobre a liña do ferrocarril, onde a Deputación estudará a posibilidade de realizar melloras coa colaboración de FEVE. Trátanse da Ponte do Apeadero, onde o obxectivo é incrementar o seu ancho, e da Ponte da Carreira, onde a previsión é acondicionar na marxe dereita o acceso á estrada paralela a FEVE dende esta infraestrutura, reducindo o desnivel. Deputación e FEVE ampliaron o ancho desta última ponte mediante un convenio de colaboración de 110.000 euros.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
