Burela, 1 de febreiro de 2015. O alcalde de Burela, José María González Barcia, foi o encargado de dar a saída oficial á II Ruta da Merluza organizada polo Club Ciclista Burela, xunto co presidente de dito Club, Manuel Yáñez. Ámbolos dous cortaron a cinta de rigor, logo de que presidente e rexedor se dirixiran aos participantes, case 350, que retaron aos 36 kms de percorrido e tamén a unha meteoroloxía moi rigorosa.
González Barcia, alcalde de Burela, manifestou na súa intervención que “resulta unha magnífica idea divulgar un concello a través dunha proba deportiva que conxuga a práctica do ciclismo coa gastronomía, neste caso coa degustación de pescada de Burela, da que traen a porto os nosos barcos”.
O rexedor indicou que “é de xustiza recoñecer o mérito que ten organizar unha proba desta entidade, polo que agradecemos ao Club Ciclista Burela o seu empeño, así como a ABSA a doazón da suficiente pescada para que os participantes saiban recoñecer o sabor e o valor do peixe e o mérito dos que a traen a porto”.
O alcalde burelés engadiu: “por iso desde o Concello apoiamos esta iniciativa, poñendo a dispor da organización o persoal e os medios físicos precisos para que a proba sexa un éxito e que non haxa ningún contratempo, de forma que todos os participantes se leven un bo sabor de boca, e nunca mellor dito”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
