Lugo 3 de febreiro 2015.- Jorge García anunciou este martes que non será o candidato do Partido Popular á alcaldía da Pontenova nas vindeiras eleccións municipais previstas para o mes de maio.
Abre así unha paréntese na súa vida política, tras vinte anos formando parte da Corporación Municipal, tanto en responsabilidades de goberno, durante case unha década; e despois xa, nas últimas lexislaturas, como portavoz do Grupo Municipal popular na oposición.
Manterase na presidencia do PP local
Con todo, este novo paso –aclara– non implica a súa retirada da vida política, pois seguirá en plena actividade contribuíndo ao proxecto popular desde a presidencia local do partido, responsabilidade que continuará ostentando.
García indicou que esta decisión “a ten meditado moito nos últimos meses” e considera “que agora é o mellor momento para dar un paso atrás, para deixar paso a unha nova xeración, a novos liderados”
A disposición do partido e do pobo
O actual portavoz popular adianta que se porá a disposición da persoa que lidere a nova candidatura popular, cando sexa designada, e insiste en que esta anuncio “non debe sonar a despedida” xa que seguirá “atendo e disposto para axudar aos seus compañeiros e ao seu pobo, coma sempre fixo”
Agradecemento dos populares lucenses
Desde a dirección provincial dos populares lucenses acollen con respecto a decisión de Jorge García e sinalan o importante traballo desenvolvido na primeira liña do Grupo Municipal por quen seguirá sendo o presidente dos populares na Pontenova.
Insisten tamén en que o actual portavoz é “parte esencial e activa do gran equipo popular” que o vindeiro mes de maio aspira a acadar o respaldo maioritario dos veciños e facer posible un cambio no goberno local. Sinalan que, en breve farán público a persoa que encabezará a lista nas vindeiras eleccións de maio.
Vinte anos de servizo ós seus veciños
Concelleiro desde o ano 1995, Jorge García foi tenente de alcalde entre 1999 e 2007. Desde entón liderou a portavocía da oposición e, máis tarde a presidencia do Partido Popular local. Nacido en Bos Aires, fai 49 anos, é licenciado en Dereito e profesor, profesión que exerce no colexio local, onde tamén desempeña as tarefas de director.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
