Burela, 3 de febreiro de 2015. A Concellería de Servizos Sociais de Burela tramita as solicitudes de axudas da Consellería de Traballo e Benestar para prestacións económicas de pagamento único para 2015, por fillas e fillos menores de 3 anos. O prazo de solicitude para estas axudas, dependentes da Xunta, estará aberto ata o 14 de marzo. Os interesados poden recibir máis información ou facer os seus trámites nas oficinas dos Servizos Sociais municipais de Burela, situados na Casa do Concello e abertos de luns a venres, en horario de 08.0 a 15.00 horas.
Segundo informou a concelleira de Servizos Sociais de Burela, Diana Durán, “poderán ser beneficiarios destas axudas todas aquelas persoas que teñan fillos ou fillas menores de 3 anos, a data 1 de xaneiro de 2015. Isto quere dicir que poderán participar os pais de todos aqueles cativos nacidos entre o 2 de xaneiro do 2012 e o 1 de xaneiro de 2015, inclusive. Ademais, deberá tratarse de pais, que por razón dos ingresos obtidos durante o ano 2013, nin eles nin ningún membro da unidade familiar estivesen obrigados a presentar a declaración do imposto sobre a renda das persoas físicas correspondente a este período, nin a tivesen presentado de xeito voluntario aínda sen estaren obrigados a iso”. Durán engadiu que “no caso d@s fill@s adoptad@s ou acollid@s entre o 31 de decembro de 2013 e o 31 de decembro de 2014, a prestación poderase conceder durante os tres anos posteriores á data de inscrición no Rexistro Civil, ou cando esta non sexa necesaria, a partir da data de resolución xudicial ou administrativa que a declare”.
A documentación a entregar por parte dos solicitantes engloba a solicitude e anexos / sede electrónica, que se pode descargar no DOGA nº21 do 2 de febreiro deste ano, a autorización do cónxuxe ou parella para obter da AEAT e da Consellería de Facenda os seus datos de carácter tributario, unha fotocopia do Libro de Familia ou certificación literal de nacemento do Rexistro Civil de cada un dos fillos/as menores de 3 anos e un certificado de empadroamento conxunto de toda a unidade familiar de convivencia. Ademais, os solicitantes deberán achegar copia da sentencia de nulidade, divorcio, separación e do convenio regulador se fora o caso, así coma fotocopia da folla da cartilla de aforros na que figure o número de conta, ou no seu defecto, certificación bancaria que indique expresamente que a persoa solicitante é titular da conta á que se refire, no caso de supostos de adopción ou tutela.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
