Santiago de Compostela, 04 de febreiro de 15. O portavoz de Pesca do Grupo Socialista, José Ramón Val, acusou este mércores ó PP de poñer en perigo aos mariñeiros galegos co seu veto a aplicar novas medidas de seguridade e a recuperar o seguro colectivo de accidentes no mar. Así o dixo no debate dunha proposición non de Lei do Grupo Socialista para incrementar a seguridade no mar e que foi rexeitada polo PP.
O responsable socialista preguntoulle ao PP “si consideran que as medidas actuais son suficientes con 24 falecidos no ano pasado” e afeoulle que “considere que non son motivo suficiente para tentar de facer algo”. Val criticou a “posición defensiva” do PP, que “fai caso omiso do que propoñemos cando non intentamos acadar rédito político, non somos como o PP que utilizaba os accidentes no mar para pedir o cese da conselleira”.
Apuntou á situación precaria dos mariñeiros galegos que, ameazados polo recorte de cotas, teñen que arriscar “mais do debido” e faenar con temporal para saír adiante. Advertiu ademais que o Decreto 963/2013 que fixa as tripulacións mínimas permite que un buque saia a mareas de quince días sen relevo na ponte e na sala de máquinas, obrigando a mariñeiros sen titulación a cubrir os descansos de persoal especializado.
O parlamentario socialista reclamáballe ao goberno galego que utilizara o Fondo Europeo de Pesca e o novo Fondo Europeo Marítimo e da Pesca para promover a instalación de dispositivos de localización individual para os mariñeiros e de flotabilidade para os buques ou recuperar o seguro colectivo de accidentes no mar.
Tamén propón a revisión do cumprimento da normativa en materia de seguridade marítima, e solicitar a derrogación do Real Decreto 963/2013 que fixa as tripulacións mínimas de seguridade dos buques. Finalmente, reclamaba a derrogación do decreto 130/2012 que establece os prezos públicos polos servizos de rescate prestados pola Xunta.
Polbo
José Ramón Val acusou ao goberno de ignorar as demandas do sector do polbo, que reclama un plan urxente de recuperación para evitar a caída alarmante da produción. Os socialistas galegos presentaron unha proposición non de Lei para subvencionar unha parada biolóxica de tres meses, evitando a sobrecarga doutros recursos, e aplicar ademais un plan especial contra o furtivismo, que foi rexeitada polo PP.
O deputado socialista explicou que a última apertura de veda ofreceu “datos de vendas alarmantes”, constatando unha produción total de 48.910 quilogramos nos primeiros quince días, o que supón un 52 menos que no ano anterior, e un 79 por cento respecto do ano 2012, situando á pesquería “no camiño da desaparición”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
