Lugo, 5 de febreiro de 2015. O responsable de Cultura e Turismo da Deputación de Lugo, o nacionalista Mario Outeiro, presentou este xoves no Pazo de San Marcos unha nova edición de ‘O Gaiteiro de Lugo’, un calendario agrícola que dende o ano 1997 edita o organismo provincial. No acto de presentación tamén participou Xoán Ramiro Cuba, responsable do Servizo de Publicacións da Deputación.
Mario Outeiro recordou que “O Gaiteiro de Lugo, é a publicación máis antiga de Galiza, nada no 1857 e vencellada ao Rexurdimento grazas ao esforzo do impresor e activista cultural Manuel Soto Freire e a colaboración doutros representantes da cultura galega como Rosalía de Castro”, destacou.
Para o delegado provincial de Cultura, “estamos ante unha das publicacións que mellor reflexa a historia do país e da nosa lingua. A pesar da súa longa historia, non sería ata 1927 cando se produciría a galeguización máis intensa desta publicación. O galego, a nosa lingua que nos caracteriza e nos diferenza como pobo, pasou de empregarse soamente nas colaboracións literarias a estar presente en case todas as seccións para, en 1936, da man de Filgueira Valverde, producirse a galeguización completa”, apuntou.
Como todos os anos, este novo número contará con ampla información sobre as lúas, feiras, santoral, refráns, adiviñas ou os períodos máis axeitados para as diferentes tarefas agrícolas, así como textos dos autores máis significativos da cultura do país. “Trátase dun almanaque definido dende os comezos como relixioso, profético, astronómico, recreativo, patriótico, popular e barato, que nesta edición recolle poemas escolmados da edición orixinal de ‘Follas Novas’, realizada por La Propaganda Literaria na Habana no ano 1980, xustamente cando se cumpren os 135 anos da publicación de Follas Novas, así como gravados que foron escollidos da revista ‘La Ilustración Gallega y Asturiana’. Trátase de facer unha homenaxe a Rosalía de Castro, presentando ademais este almanaque xusto no mes no que nace ela, cando a Área de Cultura da Deputación ten moitas actividades encol da literata máis importante da nosa literatura”, manifestou.
Ilustracións referentes á cidade de Lugo e á provincia
Xoán Ramiro Cuba sinalou que “varias das ilustracións escollidas da revista que dirixía Murguía teñen contidos relacionados coa cidade de Lugo e a provincia”, afirmou. Así mesmo, rememorou outros aspectos históricos da publicación. “Este é o número 18 que editamos dende a Deputación, xa que asumimos a súa edición no ano 1997, logo de que se suspendera a súa publicación no 1974”, recordou.
Módico prezo e tirada de 2.000 exemplares
Cuba explicou que este ano se levou a cabo unha tirada de 2.000 exemplares: “O seu prezo será de 3 euros e poderá atoparse nas librarías de Lugo e noutros puntos de Galiza”. Así mesmo, será distribuído entre asociacións e centros educativos da provincia.
Pódense realizar pedidos dirixíndose ao Servizo de Publicacións da Deputación de Lugo, que ten a súa sede no Pazo de San Marcos, a través do teléfono 982 260 068 ou no mail publicacions@deputacionlugo.org.
A descuberta da praca culminou unha nutrida axenda de actos de recoñecemento e divulgación do legado de Andrea López Chao que se desenvolveu nos últimos catro anos, da man dun grupo de traballo coordinado por Luis Ansedes. Tras a inauguración, na que particiou a bisneta da homenaxeada, Patricis Ares, estreouse no Auditorio Municipal o documental "Andrea López Chao. O poder de educar" da realizadora hispano cubana Violeta Ramos Valdés. Iria Castro parabenizou "as persoas que participaron no recoñecemento e divulgación da figura de Andrea López Chao, ampliando o coñecemento do seu legado e documentándoo e proxectándoo para as xeracións futuras"
"Zozobra" en palabras do propio autor, Maxi Rodríguez, é unha 'labazada de teatro que axita conciencias'. A cita é este domingo 21 de Setembro ás 20:00h. no Auditorio Municipal con entrada de balde
As delegacións municipais participan neste acto solemne que mantén viva a devoción pola patroa da cidade de Mondoñedo e reforza a unión entre os concellos da contorna. Mariña Gueimunde subliñou que «para Viveiro é unha honra participar nesta celebración tan arraigada que une ás nosas vilas a través da tradición e da cultura». Engadiu que «é fundamental preservar estas manifestacións colectivas que forman parte da nosa identidade e que fortalecen os lazos de fraternidade entre os pobos veciños».
O encargado de dar a saída foi o alcalde, Dani Vega, que estivo acompañado pola concelleira de Igualdade, Begoña Sanjurjo, e pola presidenta de Acisa, Carmen Cruzado. Por diante 21 quilómetros de percorrido por paraxes espectaculares ata chegar á meta na praia das Catedrais. A proba desenvolveuse nunha tarde soleada e moi calorosa.
O evento está organizado pola asociación de veciños da parroquia, co apoio do Goberno galego. Arias puxo en valor o traballo do colectivo organizador para "facer medrar este evento ano tras ano, consolidándoo en soamente tres anos como unha das citas destacadas no calendario festivo da comarca".
Na xuntanza, que tivo lugar no Departamento Territorial da Xunta en Lugo, avaliouse a posibilidade de establecer vías de colaboración para mellorar as infraestruturas rurais da localidade. A maiores, estudouse a situación dos instrumentos de mobilización da terra agraria que se desenvolveron na localidade e afondouse na mellora da súa xestión forestal.
O evento comezou cunha misa na igrexa parroquial e unha actuación musical a cargo do grupo de gaitas Axóuxere de Roupar. A continuación, tivo lugar o tradicional xantar no pavillón municipal e o recoñecemento ao home e á muller de maior idade. Carmela López subliñou que “máis dun terzo do noso orzamento vai para políticas sociais: para que o Servizo de Axuda do Fogar chegue a quen o precise; para que a Teleasistencia funcione 24 horas ao día, porque a tranquilidade das familias tamén é importante; e para ofrecer residencias públicas no rural, garantindo que ninguén teña que marchar da súa terra para recibir os coidados que merece”.
