A gran cantidade de disfraces, grupos, charangas, parellas…, que se deron cita en Mondoñedo para tomar parte no desfile de Entroido, espantaron o persistente barruzo que ameazaba con botar por terra o traballo de tanta xente amante da troula.
De feito, o desfile deu comezo coa participación especial dun trouleiro-billardeiro que logo da súa participación a fume de carozo no aberto de billarda, tirou co palán e pillou as maletas para xunguinse ó pintoresco desfile. O que levaba dentro das maletas queda o maxín de cada quen. Disque malia os indicios de fuga, non traspasou a fronteira e xa está de volta preparando o Aberto de San Rosendo.
A carón do desfile, na Alameda dos Remedios, medio cento de palanadores loitaban por se facer coa vitoria na VIII xornada da LNB que se estaba a disputar e sen que o paso das máscaras interrumpira o desenvolvemento do xogo, os palanadores aproveitaban os momentos de espera para botar un ollo a tanto colorido que fixo desta unha xornada moi especial e vistosa.
Chegados do NorOeste e representando ós billardeiros de Laracha, disfrutamos da compaña de dous grandes palanadores: Xosé Collazo e Xulio Vilas, que xa nos tiñan acompañado noutras ocasións e quixeron acompañarnos de novo. Graciñas pola visita.
Xa no que é a competición, tanto “O Cadaval” coma “Carabullo de Teixo, apertaron os puños e puxeron moi difícil a vitoria dos “Billardeiros Musicais” que tiveron que sudar para finalmente impoñerse con 31 puntos por 30 dos seus contrincantes máis directos.
No eido individual, e como non podía ser doutro xeito, tres plenos. Cada un dos equipos punteiros colocou un representante no desafío final. Tres finalistas que quedaron en dous xa que Charli de “Carabullo de Teixo” tivo que marchar e quedou por tanto relegado á 3ª praza.
En tres carreiras Daniel de “Billardeiros Musicais” gañou e acadou o primeiro posto por riba de Pepe Vidal de “O Cadaval” que foi segundo.
A famosa tarta de Mondoñedo, en tres formatos distintos, foi entregada como trofeo ós gañadores do Aberto; mentres que o equipo gañador recibía un botelo da Fonsagrada.
Agardamos por todos na nova enganchada ALLS STAR 2015 en O Pino – Santiago o vindeiro 14 de marzo.
As clasificacións logo da sétima xornada quedan así:
Individual
Markytos 71 p., Daniel 70 p., Kiko 57 p., Charli e Cortón 55 p.
Equipos
Billardeiros Musicais 269 p., O Cadaval 251 p. e Carabullo de Teixo 212 p.
Varados
Markytos 13, Charli 7, Daniel 5, Santi 4, Tonecho 3.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
