A Deputación de Lugo, dentro da súa liña de promoción da Costa lucense, subvenciona cursos de mergullo co fin de descubrir a riqueza submarina da Mariña. Así o comunicou a Vicepresidenta Segunda, Lara Méndez, durante o bautismo de mergullo que tivo lugar este sábado na piscina municipal de Frigsa, e co que se deu comezo a esta programación dirixida a preto de 500 participantes. Esta iniciativa está encamiñada a fomentar o deporte de auga, así como o estudo do fondo mariño da Costa lucense.
Lara Méndez, que estivo acompañada do Presidente do Centro de Actividades Subacuáticas Costa Lugo (C.A.S Costa Lugo), Julio Vázquez Pérez, valorou que “con esta colaboración impulsamos a investigación e difusión do fondo submarino da Costa, e ofrecemos a posibilidade de que preto de 500 persoas coñezan de primeira man un deporte tan interesante como é o do mergullo”.
A Vicepresidenta explicou que coa achega provincial, aparte de subvencionar as actividades, finánciase tamén parte dunha zódiac, coa que esta asociación sen ánimo de lucro poderá continuar cos traballos de investigación, “que aportan un grande valor engadido á provincia”. Julio Vázquez agradeceu a colaboración da Deputación e afirmou que “grazas a esta achega, chegamos a centos de persoas e impulsamos a investigación do fondo submarino da Mariña”.
Mergullo, RCP e conciencia ambiental
Dentro desta programación lúdico didáctica, englóbanse actividades como o bautismo de mergullo, no que se fará unha aproximación sobre este deporte e se dará a coñecer o equipamento, materiais e técnicas necesarias para as diferentes modalidades. Tamén se ofrecerán xornadas de formación en primeiros auxilios e RCP, co fin de capacitar aos deportistas para prestar unha asistencia inmediata, que permita salvar vidas, e outras de salvamento e rescate, con simulacros de posibles accidentes. Do mesmo xeito, organízanse xornadas ambientais e de limpeza do fondo mariño, encamiñadas a fomentar as practicas responsables co medio que nos rodea.
Para participar nestas actividades subvencionadas pola Deputación de Lugo, os interesados deberán chamar ao teléfono 609 423 210, no que obterán máis información.
C.A.S Costa Lugo
O Centro de actividades subacuáticas Costa Lugo é unha asociación sen ánimo de lucro, que ten como obxectivo principal fomentar e impulsar a práctica do mergullo deportivo, así como a exploración, investigación e conservación da natureza e do paisaxe subacuático. É a única escola de mergullo da provincia de Lugo que conta con persoal técnico e deportivo cualificado para impartir cursos de mergullo recreativo así como persoal médico subacuático.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A banda presentará o seu espectáculo nunha cita aberta ao público, que promete unha noite de rock e diversión para todos os asistentes.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O acto celebrarase este venres 4 de setembro ás 20:30 horas na sala de exposicións. Servirase un viño e un pequeno petisco. A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
