Desde o pasado mes de febreiro un grupo de veciños e veciñas de Alfoz está levando a cabo reunións coa intención de formar unha agrupación de electores para concorrer ás eleccións municipais do vindeiro 24 de maio.
Coa intención de dar a coñecer esta nova alternativa e de conseguir ideas para a base programática estanse a facer unha serie de actividades:
1. Denominación e imaxe corporativa.
A nova alternativa veciñal denominarase Veciños Independentes de Alfoz, e terá como imaxe corporativa o anagrama no que se combina a cor verde e branca da bandeira de Alfoz coa silueta da torre do Castelo de Castro de Ouro.
2. Comunicación
Veciños Independentes de Alfoz pon á disposición dos veciños e veciñas de Alfoz a dirección de correo electrónico vialfoz@gmail.com coa intención de que nos expoñan as súas suxestións. Decídese así mesmo nomear a Xabier Pardiñas Suárez como portavoz da agrupación.
3. Reunións coa veciñanza.
Coa intención de facer un programa participativo, onde tanto os veciños e veciñas de Alfoz, como os colectivos que os representen nos amosen as súas inquedanzas e nos transmitan as súas necesidades reais, Veciños Independentes de Alfoz realizará diferentes reunións ó longo dos meses de marzo e abril.
A primeira reunión realizouse o pasado martes con membros da Xunta Directiva da ACIA de Alfoz. Nesta reunión mostrouse gran preocupación pola perda de poboación que está sufrindo Alfoz, feito que incide no consumo e, polo tanto, no comercio. Nesta xuntanza falouse tamén da necesidade de levar a cabo unha ordenación do territorio que de lugar ó remate da Concentración Parcelaria e á posta en marcha dun Plan Xeral de Ordenación Municipal que lle permita ós veciños e veciñas de Alfoz asentar no seu concello non só as súas vivendas, senón tamén os seus negocios, sendo tarefa irrenunciable a delimitación de solo industrial. Os membros da ACIA transmitiron a necesidade de mellorar a sinalización tanto dentro do concello como nas vías principais de acceso a Alfoz.
Tamén se expuxo a necesidade de potenciar as festas locais e o turismo, poñendo en valor tanto o enorme potencial paisaxístico do val coma o patrimonio histórico-artístico existente, reclamando a apertura da torre do Castelo de Castro de Ouro para poder ser visitada ó longo de todo o ano.
Desde Veciños Independentes de Alfoz considerase que se deben ter en conta estas propostas, comprometéndose, entre outras accións, a levar a cabo un Plan de Dinamización Turística para o concello de Alfoz.
4. Homenaxe ás mulleres no Día Internacional
Coa intención de facer unha homenaxe a todas as mulleres en xeral e, sobre todo, a todas as mulleres de Alfoz, a aquelas que nos deixaron e que traballaron por este concello e ás que están a loitar polo futuro do seu pobo onde queren poder seguir traballando, Veciños Independentes de Alfoz convoca unha ofrenda floral que se levará a cabo o vindeiro domingo 8 de marzo ás 11.30 horas nas inmediacións do Castelo de Castro de Ouro convidando a todos os veciños e veciñas a participar no acto.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
