A Mariña, 7 de marzo de 2015. O BNG na Mariña aproveita os actos e declaracións que se están a realizar arredor do 8 de marzo para volver a poñer enriba da mesa a discriminación que sofren as mulleres, polo mero feito de selo, tamén no ámbito laboral. Lembran desde o BNG que “todos os estudos apuntan a que a brecha salarial entre mulleres e homes é de arredor do 25%, o que supón que as mulleres seguen a cobrar un cuarto menos de salario ca os homes polo mesmo traballo”, explican desde a formación nacionalista.
“Desde o BNG somos conscientes da necesidade de seguir pelexando ata acadar a igualdade real entre mulleres e homes, lonxe da discriminación salarial e laboral, e coa existencia de traballos que aínda son cousa de homes ou de mulleres. Pero esa pelexa, esa loita, ten que ser unha cuestión prioritaria e diaria. Non nos serve que, quen diariamente ataca ás mulleres desde distintos ámbitos, saque peito en datas concretas con actos e declaracións cargadas de hipocrisía e baleiras de contido”, declaran.
“Nun momento coma o actual, as mulleres están a sufrir moito máis as consecuencias da crise, xa que seguen sendo maioritariamente elas as que abandonan os seus traballos para atender a familiares e fogares, as que sofren maiores recortes laborais e salariais e as que, en primeiro lugar, soportan maiores cargas á hora de conciliar a vida laboral e familiar. Moitas mulleres víronse obrigadas a abandonar o seu traballo para atender a fillos e fillas ou familiares e ao chegar os 50 anos, o desemprego aumenta, así como a franxa das mulleres autónomas nun 12%. Isto evidencia que tras unha vida laboral de 30 ou 35 anos, aos 50 son despedidas ou deben pechar os seus negocios. Unha opción viable para este colectivo non é a emigración (que soportan as mozas galegas) polo que deben enfrontarse a 10 o 15 anos sen ningún tipo de prestación.”, explican desde a formación nacionalista.
Para estes casos, desde o BNG propoñen crear unha axuda para desempregadas cunha contía igual ao Salario Mínimo Interprofesional e con carácter indefinido. No mesmo sentido, tamén propoñen un “plan de emprego feminino” como contempla a Lei galega destacando: “ o acento nas mulleres maiores, e unha liña de axudas para empresas femininas”.
“É fundamental que os actores políticos se impliquen en acadar a igualdade real. E iso é cousa de todos os días, de traballar desde todos os ámbitos desde o respecto e a responsabilidade de quen ten na súa man a posibilidade de tomar medidas para mellorar a situación”, afirma a responsábel comarcal, Ana Ermida.
“Desde o BNG somos conscientes da desigualdade e o machismo que a día de hoxe aínda existe na sociedade, polo que poñemos todos os medios para loitar contra esta situación todos os días. Aproveitamos estas datas, nas que parece que todo o mundo se dá conta dos problemas, para seguir reclamando implicación e solucións para a desigualdade”, expoñen.
A formación frontista asegura que o recoñecemento das mulleres e a loita pola igualdade non pode quedar en cousa dun día. “Para nós, todos os días son 8 de marzo, porque todos os días teñen que ser días das mulleres”, di Ana Ermida.
Por iso, de xeito simbólico e coa intención de que o 8 de marzo estea presente todos os días, os grupos municipais do BNG presentarán mocións en todos os concellos nas que, entre outras cuestións, se solicita que un espazo público (rúa, praza, edificio, parque, etc.) sexa nomeado como “8 de marzo. Día internacional das Mulleres.” “Non deixa de ser algo meramente simbólico, pero que pode amosar o compromiso e o traballo pola igualdade real máis alá de declaracións institucionais ou actos simbólicos que quedan en cousa dun día”, explica a portavoz comarcal.
Unha medida tan sinxela coma esta, que xa se ten feito nalgúns concellos coma o de Ribadeo, onde goberna o BNG, podería ser un primeiro paso na concienciación social e no traballo que se debera desenvolver desde as institucións, tamén desde os concellos.
Desde o BNG animan tamén a acudir á manifestación unitaria do feminismo galego, que terá lugar mañá, 8 de marzo, baixo o lema “Feminismo para avanzar. Xuntas nunha mesma loita” con saída, ás 12 da mañá desde a estación de tren de Compostela.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
