“Con data 12 de febreiro de 2015 (NRE 1604/2015) recíbese neste concello proposta de convenio entre o Consorcio Galego de Servizos de Igualdade e Benestar, a Axencia Galega de Servizos Sociais e o Concello de Ribadeo para a xestión do centro de día radicado neste municipio.
Unha vez lida atentamente a súa proposta, como representante deste concello e no prazo de un mes que con tanta amabilidade nos outorgan, non poden deixar de facerse unha serie de observacións sobre a mesma.
En primeiro lugar, resulta sorprendente que unha vez en vixencia a Lei 27/2013, de 27 de decembro, de racionalización e substentabilidade da Administración Local, que modificou a Lei 7/1985, de 2 de abril, se propoña por parte desa entidade o texto que se recibe no concello.
Lémbrolles que dita norma establece unha reconfiguración das competencias locais, deixando unicamente en mans dos municipios nesta área a avaliación e información de situacións de necesidade social e a atención inmediata a persoas en situación ou risco de exclusión social.
Por outra banda, tamén a mesma norma dispón que con data 31 de decembro de 2015, nos termos previstos nas normas reguladoras do sistema de financiamento autonómico e das Facendas Locais, as Comunidades Autónomas asumirán a titularidade das competencias que se prevían como propias do Municipio, relativas á prestación dos servizos sociais e de promoción e reinserción social e que as Comunidades Autónomas asumirán a titularidade destas competencias, con independencia de que o seu exercicio se viñese realizando por Municipios, Deputacións Provinciais ou entidades equivalentes, ou calquera outra Entidade Local.
En consecuencia, a posibilidade de destinar fondos por parte desta entidade para o exercicio de actividades ou prestación de servizos que non son da competencia municipal, nin existe unha delegación nos termos do artigo 27 da Lei 7/1985, de 2 de abril, reguladora das Bases do Réxime Local, nin se atopa tramitado expediente a que se refire o artigo 7.3 da citada Lei 7/1985, de 2 de abril para o exercicio de competencias impropias, pode supor unha vulneración da lexislación vixente á que nos quere conducir a sinatura do convenio proposto.
Por tanto, antes de pensar en asinar o mesmo ou darlle o prace ao texto remitido, solicitamos que se emita e se nos faga chegar informe por parte da asesoría xurídica da Xunta de Galicia sobre a legalidade do procedemento que se pretende e da redacción do proxecto de convenio.
Ademais do anterior, á vista das achegas económicas que se recollen para o concello, e seguindo coa idea de cumprir coas esixencias da lexislación de estabilidade orzamentaria e substentabilidade financeira, de xeito similar ao que se lles esixe aos entes locais antes de pretender a apertura ou modificación das condicións dun centro de titularidade pública, como por exemplo un centro de atención a maiores, requírese que se presente por ese organismo un Plan de viabilidade económica que recolla, como non pode ser doutro xeito, un estudo detallado de custos e ingresos previstos do concreto centro de día do Concello de Ribadeo,para o prazo de duración do convenio, que xustifique as contías esixidas, e que acredite que a achega municipal sería da mesma e exacta proporción que nos restantes concellos galegos, en relación co custo total.
Do mesmo xeito, debería recoller este estudo a valoración que se outorga neste caso ao uso por parte da Xunta de Galicia dun edificio de titularidade municipal para a prestación do servizo.
Sen máis, agárdase con interese a súa pronta resposta, para poder seguir coa análise da posibilidade de subscrición do convenio proposto en cuestión”.
Asdo: FERNANDO SUAREZ BARCIA
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
