RIBADEO (FNC) .- O 26 de setembro terá lugar unha nova edición do Curso temático sobre educación infantil da Mariña que organizan o Concello de Ribadeo e o IES Gamallo Fierros. Este ano abordará as concepcións sociais da infancia e os medios de comunicación.
O rexedor ribadense destacou que “consolidamos esta iniciativa do IES Gamallo Fierros en colaboración co Concello de Ribadeo neste curso temático sobre educación infantil de A Mariña e que nesta edición do 2009, que xa é a terceira, leva por título Concepcións sociais da infancia e medios de comunicación. Debemos dicir que este curso temático de educación infantil de A Mariña foi pioneiro e segue sendo pioneiro, porque non existe outro no país de similares características e ademais é xa referencial pola masiva asistencia de persoas que sempre se inscribiron e que contamos que este ano así o volvan facer novamente”.
Fernando Suárez explicou que “coa temática que abordamos neste ano 2009, pretendemos dar a coñecer e divulgar un asunto que non é suficientemente coñecido, pero que é de interese para a protección e o desenvolvemento da infancia, porque ademais, o tratamento da información por parte dos medios de comunicación relativo á infancia sempre é un tema controvertido, é un tema complexo para os informadores dos medios pola inexistencia de liñas claras de actuación á hora de enfocar o traballo informativo nos diferentes medios”.
Suárez engadiu que “con este traballo sempre ímprobo por parte do IES Gamallo Fierros e coa colaboración sempre da Área da Muller do Concello de Ribadeo queremos presentar este novo curso e contamos que haxa e que se anote moita xente coma sempre para participar nesta iniciativa positiva”.
O prazo de matrícula estará aberto ata o 23 de setembro e poderá realizarse no Centro de Información á Muller, situado no Auditorio de Ribadeo.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
