A Mariña, 19 de marzo de 2015. O BNG da Mariña pedirá novamente no Congreso que se actúe de xeito contundente e con urxencia para solucionar os problemas da A8. “Non é de recibo que aparezan agora con fotos anunciando que se vai poñer en marcha un concurso de ideas que xa se anunciou en outubro do pasado ano. Para vir con esa solución, a alcaldesa de Lourenzá puido aforrar a viaxe”, afirmou Ana Ermida.
Desde o BNG lamentan que “as únicas medidas que se puxeron en marcha foron prohibicións e obrigas para as persoas que conducen pola vía”, tal e como xa contestara o goberno a unha pregunta da deputada do BNG, Rosana Pérez, nunha pregunta realizada en xullo do pasado ano.
“Desde aquela o único que fixeron foi instalar paneis e luces, en moitas ocasións que non funcionan todas, e un radar de tramo que parece ter máis afán recaudatorio que calquera outro”, afirman desde o BNG. “Non pode ser que pretendan que a responsabilidade de que non se produzan accidentes na A8 sexa das condutoras e condutores, porque quen deseñou o trazado e executaron a obra foron os gobernos do PP e PSOE e son eles quen teñen que dar solución e asumir as responsabilidades”, aseguraron desde a formación nacionalista.
“Na última semana xa foron tres os cortes que sufriu o tramo de autovía situado entre Mondoñedo e Abadín e, por moitos carteis e luces que poñan, a néboa non vai desaparecer”, manifestan desde o BNG.
“Nós seguiremos reclamando solucións reais para solucionar os problemas en calquera foro no que nos atopemos: desde o Congreso, desde os Concellos ou en actos públicos como fixo o pasado fin de semana o alcalde de Mondoñedo. Non nos van calar con falsas promesas ou anuncios electoralistas que non aportan ningunha solución”, declarou Ana Ermida. “Nonn pode ser que volvan agora a anunciar que porán en marcha un concurso de ideas que xa anunciaron no mes de outubro do ano pasado e do que nada fixeron. Vemos como, outra vez, a seguridade das estradas da Mariña non son prioridade para o PP que só busca a foto e calar as voces críticas.”
No mesmo sentido, a formación nacionalista insiste na necesidade de que as vías titularidade de fomento, como a N634 ou a N642, se arranxen de xeito integral e non con parches como acaban de facer coa estrada da costa desde Barreiros a Cervo. Nos orzamentos do ano 2015 había unha pequena partida destinada ao arranxo dun tramo da estrada da costa. Agardemos que o arranxo previsto non sexa o que acaban de facer, cun rebacheo con grava que non só non soluciona os problemas senón que crea outros novos. De ser así, sería unha nova burla do goberno de Madrid de cara ás veciñas e veciños da comarca”, conclúen desde o BNG.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
