Foz, 19 de marzo de 2015. O primeiro tenente de alcalde e concelleiro de Medio Rural en Foz, Pedro Fernández Manín, anunciou este xoves que o Concello está arranxando estes días estradas e camiños municipais na parroquia de Cangas e a continuación fará o mesmo en Vilaronte e San Martiño.
“O Concello de Foz segue a arranxar os camiños do medio rural. Nestes momentos están facéndose traballos na parroquia de Cangas para acabar no barrio de Vilachá e cara aos invernadoiros, ademais de reparar outras fochancas que hai noutros sitios da parroquia. Estas obras foron solicitadas por veciños particularmente e tamén pola asociación veciñal. Ademais fixemos reparacións no acceso ao depósito de auga municipal e a un pozo de bombeo, por solicitude da empresa Gestagua, que é a que leva o mantemento de toda a traída de augas do concello de Foz”, explicou Pedro Fernández Manín.
O concelleiro de Medio Rural engadiu que “unha vez acabadas estas obras en Cangas faremos outras, por un importe de 43.000 euros, nas parroquias de Vilaronte e San Martiño. Na primeira delas levaremos a cabo obras nas estradas municipais que van dende A Rúa á Pateira, dende A Rúa á estrada da Deputación que dá saída á parada do autobús escolar e do cruce da Casa de Fabián á Nacional 642. A continuación faremos tamén con rebacheo e limpeza de cunetas a estrada que pasa por diante da Casa de Galanchote. Arranxaremos integralmente os accesos ao barrio de Xinzo con limpeza de cunetas e mellora do firme das estradas. En Vilacendoi levaremos a cabo o arranxo da estrada que vai ao Carmen e tamén da estrada que pasa por diante da Granxa, que está completamente chea de fochancas e practicamente intransitable. E para acabar arranxaremos dende Escanlar cara á vía do tren e a estrada da Deputación. Todas estas obras nas parroquias de San Martiño e Vilaronte levarémolas a cabo con cargo á partida para arranxo de camiños por un importe de 43.000 euros”.
Fernández Manín rematou comentando: “sabemos que hai moitas máis estradas para arranxar, pero seguiremos pouco a pouco para continuar dando o mellor servizo posible aos veciños, como fixemos tamén cando non había presuposto”.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
