Asociación Mulleres de San Ciprián.- Cúmprense entorno a quince días desde que a figura dunha costureira, interpretada a través dunha escultura de metal, preside a nova praza dos Campos de San Ciprián e desde a asociación promotora desta iniciativa queríamos aproveitar para dar as grazas a todos aqueles que nos acompañaron.
Empezando polo autor: Telmo Cao Farré. Todo un acerto. Nós tíñamos claro que debía ser unha persoa do pobo, quen dera forma a este ambicioso proxecto que financiamos en exclusiva con recursos propios da asociación e, polo tanto, que implicaba un gran esforzo e moitísima ilusión.
Creo que o resultado foi inmellorable: que as mans expertas deste artista perfilaron con acerto a interpretación dunha de tantas costureiras que, a finais do século pasado, constituían o oficio máis habitual entre as mulleres de San Ciprián. As grandes curvas, emulando os retallos de tea, a agulla… Homenaxe inmortal ás mulleres traballadoras que construíron o noso pobo.
Grazas tamén ao Concello de Cervo, ao seu alcalde, que aceptou a cesión da escultura e ás autoridades institucionais que nos acompañaron, aos integrantes doutras asociacións do noso pobo e contorna. Invitamos a todos os partidos políticos, colectivos e veciños, e os que quixeron estiveron pendentes, porque desde o mesmo momento da súa inauguración a figura da costureira pasaba a ser patrimonio colectivo.
A imaxe da costureira responde con fidelidade á un dos oficios máis característicos da península da paz, moito antes da chegada da multinacional do aluminio. Pero hoxe, tantos anos despois, poderían ser moitas as imaxes, e moitas as profesións que representen ás nosas mulleres traballadoras.
Por esta razón vemos con maior optimismo un futuro no que a igualdade de oportunidades entre homes e mulleres non sexa un reto por conseguir, no que a conciliación laboral e familiar sexa unha realidade, cada vez máis presente. Quizá, quen sabe, fío tras fío, a figura da costureira sirva para lembrarnos estes bos desexos, e ir cosendo, ir unindo, neste obxectivo ao todos os pobos.
Directiva da asociación Mulleres de San Ciprián.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
