Dende o PSdeG-PSOE de Burela queremos denunciar, unha vez máis, a cara dura política e a falla de respeto á intelixencia dos veciños e veciñas de Burela que mostra continuamente o Sr Barcia e o equipo de “desgoberno” do Partido Popular de Burela. O Partido Popular de Burela emitiu este venres unha nota de prensa onde explica os presupostos 2015, que van a presentar para aprobación no Pleno na que conta unha serie de mentiras e medias verdades que realmente nos fan pensar que esta xente o único que pretende é rirse publicamente da intelixencia dos nosos veciños e veciñas.
Nesta nota de prensa dise que se baixaron os impostos, o que sinxelamente é unha MENTIRA, e para demostrar isto calquera veciños pode facer unha sinxela comparación de recibos de impostos municipais dende xuño de 2011 (fecha de toma de posesión do actual equipo de “desgoberno”) e pode comprobar como ano a ano as subidas de impostos foron continuadas, nin cando se nos venderon baixadas de impostos estas foron reais xa que tomando como referencia o IPC (que é o dato que se toma como referencia) as baixadas foron menores que esta referencia, có que se converten automaticamente en subidas. Tales foron as subidas que practicamente todos os impostos subiron por riba do IPC, có que o que se consegue dende este equipo de “desgoberno” é empobrecer cada vez máis ós veciños e veciñas de Burela. Que o Sr. Barcia fale da contribución (IBI) é chocante e lamentable, cando é o máximo responsable da maior subida da historia deste imposto en Burela xa que ten subido nestes últimos catro anos máis dun 60%, e pedimos de novo un exercicio de comprobación ós veciños e veciñas para que podan comprobar isto, que comparen os recibos dende o 2011 ata agora e poderán comprobar facilmente esta nova MENTIRA.
Recoñece, iso si, que como nós denunciamos o Concello non debería de asumir gastos da construción da gardería, xa que o Concello non ten competencias nesta materia, agora veñen as consecuencias. A escola infantil vai a levar todo o presuposto de investimentos no ano 2015 có que xa nos están a adiantar que o Concello non vai a poder afrontar ningún tipo de obra no ano 2015. Xa os tíñamos avisado deste asunto, e non foron capaces de evitar este despropósito facendo que a Xunta de Galicia, a que ten competencias na materia asumise esa inversión, agora pagaremos as consecuencias.
Pero o que resulta máis vergoñento e lamentable é que o Sr Barcia fale da débeda da segregación con Cervo, ¿acaso o Sr. Barcia non se acorda de que partido político e de que persoas provocaron esta situación? ¿non se acorda o Sr. Barcia de cando andaba a recoller as firmas para a segregación de Cervo? Pois “daqueles barros, estes lodos”. Sr. Barcia vostede é un dos máximos responsables desta débeda. En todo caso tivo vostede catro anos para negociar có Sr. Villares, que ademais coinciden nas cores políticas, a condonación desa débeda.
Teremos tempo de falar dos reparos que pon Intervención do Concello a estes presupostos, de momento esta explicación vai ser dabondo xa que nos tememos que os presupostos van a dar moito que falar.
Comisión Executiva PSdeG-PSOE Burela.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
