Lugo, 24 de marzo de 2015.- O Grupo Provincial do Partido Popular revelou esta mañá que informes técnicos alertan de inseguridade para os usuarios nas estradas de titularidade da Deputación que transcorren polo termo municipal de Barreiros.
A voceira do Grupo Provincial do PP, Elena Candia, e o alcalde de Barreiros, José Alfonso Fuente Parga, rexistraron senllos escritos na administración provincial, acompañados de informe técnico municipal no que se advirte do estado das vías da Deputación.
Estado das vías
Os populares explican que nas vías que discorren polo municipio de Barreiros se observan importantes deficiencias no estado de conservación, consistente sobre todo na aparición de baches, en ocasión de gran tamaño, e na desintegración do firme causado polo tráfico e condicións meteorolóxicas.
Nas estradas provinciais do termo municipal de Barreiros tamén se observa, en algúns casos, a falta de limpeza de cunetas e noutros a inexistencia da mesma.
Esta situación, segundo reiteran dende o GPP, afecta á seguridade e comodidade dos usuarios das vías, ata o punto que nunha das estradas, a LU-P-6103 que comunica Trabada por Fórnea a Barreiros, se sufriron ata 10 accidentes no último ano, en torno ao punto quilométrico 6,380 (entre outros sinistros, atópase o de unha señora que circulaba en moto, colleu unha desas fochancas e caeu. Foi trasladada en ambulancia ata o Hospital da Costa e ainda se está a recuperar).
Solicitude
Tanto o Concello como o Grupo Provincial do Partido Popular solicita á Deputación de Lugo a través de senllos escritos que se teña en conta o informe técnico no que se advirte das patoloxías importantes destas estradas e, en consecuencia, reclaman que a Deputación de Lugo acometa con urxencia as actuacións necesarias para restablecer o bo estado das estradas provinciais de Barreiros.
En concreto, trátase das seguintes vías: CP 0601 de San Cosme de Barreiros á Ría de Foz; CP 0602 da CN 634 á praia Principal de Barreiros; CP 0603 de San Miguel de Reinante a Praia da Pasada; CP 0604 de Reinante a su Praia; CP 0605 da CN 634 a casa de Otero; CP 0606 da CN 634 ao lugar de Pedregás; CP 0607 de San Cosme de Barreiros a Praia de Fontela; CP 0608 de San Cosme de Barreiros ao Km. 5,7 da ctra. Villamar-Reme; CP 0609 da Ctra.Villamar a Reme a San Xusto de Cabarcos; CP 0610: enlaces praias Altar-Reinante; CP 0611 da CN 634 a Praia de Coto e CP 6103 de Trabada por Fórnea a Barreiros
A mala xestión pode ter consecuencias graves para os usuarios
Os populares explican que informes técnicos reafirman as reiteradas denuncias públicas do Grupo Provincial do Partido Popular sobre o mal estado das estradas de titularidade da Deputación e que dende o GPP achacan a unha mala xestión.
Os populares explican que a dotación pública dirixida á conservación de estradas non se reflexa no estado que presentan as infraestruturas viarias. “Non se pode permitir que a mala xestión dos fondos públicos poda chegar a ter consecuencias negativas e graves sobre a integridade física dos usuarios”
Os populares aseguran que as estradas provinciais que discorren por Barreiros son unha responsabilidade patrimonial da Deputación que non pode ser evadida e cando menos as institucións públicas deben non causarlles prexuízos innecesarios á cidadanía derivados das súas actuacións.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
