O campo de fútbol de Vián converteuse o derradeiro sábado do mes de marzán en praza conquistada polos recios palanadores da multicolor serpe da LNB. Un capítulo máis neste incesante roteiro billardeiro, que pola implicación e boa organización dos anfitrións, os compoñentes do equipo “Cruzados”, finalizou converténdose nun novo éxito.
Espectacular tarde de billarda, pois, na que máis de medio cento de palanadores loitaron bravamente en pos da bola de liscos. O terreo puxo algún que outro atranco no xogo, pois baixo a, en apariencia herba recén segada, escondíanse algún que outro burato e foron máis dun os palanadores que “probaron a bondade do chan chairego”.
As carreiras sucedéronse sen tregua nunha tarde non propicia para os varados; excepto o do debutante Ismael que só perde a primeira das 5 carreiras en xogo. Destacou O Cadaval cun sobresaínte xogo de Pepe Outeiro -mancado no brazo dereito- que só cedeu un empate e Pepe Vidal que acadou pleno e repetiu final. Tamén fixeron pleno Xosé Collazo, dos Billardeiros da Laracha, e unha vez máis e van… Markytos, de Billardeiros Musicais.
No desempate, Markytos saiu gañador e merecente da bola de liscos, Collazo segundo tamén agasallado cun bolo e Pepe Vidal foi terceiro e levou outro bolo que puido xuntar coa bola que o seu equipo “O Cadaval” gañou como campións da xornada por equipos.
En donas Geni, Billardeiros Musicais, segue aumentando a vantaxe como mellor clasificada; polo que, a falta de dúas xornadas, ten practicamente gañado o campionato.
A vindeira xornada terá lugar na carballeira de Mosteiro (Pol) o 11 de abril.
As clasificacións logo da novena xornada quedan así:
Individual: Markytos 81 p., Daniel 75 p., Kiko 65 p., Charli e Pepe Outeiro 63 p.
Equipos: Billardeiros Musicais 297 p., O Cadaval 284 p. e Carabullo de Teixo 240 p.
Varados: Markytos 13, Charli 7, Daniel 5, Santi 4, Tonecho 3.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
A sesión incluirá a proxección da peza, de 27 minutos de duración, e un coloquio con Ugía Pedreira sobre música, saúde e outros temas. A obra forma parte da selección oficial do Barcelona Indie Filmmakers Festival (BARCIF) 2025 e a actividade está promovida por A Pomba do Arco.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
