Santiago, 7 de abril de 2015.- O Grupo Popular defenderá no Pleno da vindeira semana a creación dun rexistro nacional de posibilidades de pesca no que se rexistren todas as operacións de transmisión de dereitos entre os buques e a activación dun Plan de Mercados Excelentes que poña en valor os mercados e prazas de abastos galegos.
Unha vez rematada a Xunta de Portavoces celebrada esta mañá, o portavoz popular, Pedro Puy, informou que na sesión plenaria da vindeira semana procederase ao debate dunha proposición de lei do Grupo Popular a través da que se insta ao Goberno central para que adopte as medidas técnicas e normativas necesarias para a creación dun rexistro nacional de posibilidades de pesca.
Posibilidades da pesca
“Excluíndo a flota artesanal, a partir de agora os dereitos de pesca pódense comprar, vender ou alugar entre os buques cunha serie de condicións moi estritas, de xeito que non se pode especular con eles”, explicou o portavoz popular. Neste sentido, lembrou que unha das propostas do Ditame Unitario aprobado polo Consello Galego de Pesca facía referencia á necesidade de permitir o intercambio de cotas en función dos intereses das distintas flotas, unha cuestión que está previsto se incorpore na reforma da Política Pesqueira Común e que motiva a necesidade de que o Goberno de España regule esta cuestión a través dun rexistro nacional de posibilidades de pesca para que o sector poida coñecer como se atopa a situación de explotación dos recursos pesqueiros.
Unha segunda proposición non de lei do Grupo Popular solicita o impulso dun plan de mercados excelentes que incentive as posibilidades das prazas e mercados de abasto existentes en Galicia. “O centenar de mercados existentes en Galicia son un magnífico escaparate para os produtos galegos, especialmente os frescos, e cumpren a función de ofertar produtos de calidade ao tempo que estanse a converter nun motivo de atracción turística”, sinalou Puy.
A sesión plenaria da vindeira semana dará comezo co debate e votación do ditame e das propostas de resolución da Comisión Permanente non Lexislativa para as relacións co Consello de Contas sobre o informe de fiscalización do sector público da Comunidade Autónoma de Galicia correspondente aos exercicios económicos de 2011 e 2012.
Modificación lei de estradas
A continuación, procederase ao debate para a admisión a trámite da proposición de lei do Grupo Popular pola que se modifica a Lei de Estradas de Galicia. Pedro Puy dixo que “se trata de facer uns axustes que afectan ao cinco por cento do total do texto e na meirande parte son engádegas na redacción dalgúns artigos para solventar as incidencias que tanto o Grupo Popular como a Xunta teñen detectando”.
A orde do día do Pleno incorpora, ademais, a comparecencia da conselleira de Sanidade para informar dos resultados da Avaliación Estratéxica do Sergas 2014. O portavoz popular considerou “relevante esta comparecencia porque se trata de render contas sobre a actividade desenvolvida en materias tan importantes como as infraestruturas, a política de persoal, a política farmacéutica, a atención priorizada as enfermidades ou a cronicidade; e chega nun momento oportuno dado que nestes momentos estanse a deseñar os obxectivos de cara a 2020 da estratexia sanitaria do Sergas”.
No apartado de preguntas, Puy sinalou que hai unha cuestión aprazada sobre o proceso de negociación comercial que está a manter a Unión Europea con Filipinas para a concesión de beneficios arancelarios aos produtos da pesca procedentes dese país, á que se engaden outras dúas: unha sobre expectativas do Goberno galego en relación co plan deseñado para impulsar o Centro de Innovación e Servizos CIS-Galicia localizado en Ferrol e outra sobre o estado de execución en que se atopan as obras do Hospital Público Álvaro Cunqueiro de Vigo.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
