Santiago, 7 de abril de 2015.- O Parlamento de Galicia aprobou, sen ningún voto en contra, a iniciativa do Grupo Popular para que se xeneralice o aproveitamento marisqueiro e comercial do holothuria forskali, un equinodermo que está presente nas augas do noso litoral, coñecido popularmente como carallo de mar ou pepino de mar (en castelán) e que ata o de agora non era obxecto de atención pesqueira.
O acordo da Cámara galega insta á Xunta a estudar a situación deste recurso e, en función dos resultados do mesmo, autorizar a posibilidade de expandir a súa explotación a outras áreas de Galicia logo de que o pasado mes de decembro o Goberno galego autorizase, para este ano 2015, o aproveitamento en exclusiva polas embarcacións da confraría de pescadores de Cangas (Pontevedra).
Recurso moi abundante en Galicia
Estes equinodermos do xénero holoturia son moi abundantes en todo o Cantábrico. Pódense atopar en calquera pedreiro chan que forme pozas á baixamar, preferiblemente en mareas grandes, xa que prefiren o límite inferior do intermareal (en todo caso profundidades inferiores a 100 metros).
Da abundancia deste recurso tamén dan fe en certas zonas do caladoiro de Gran Sol. Os barcos que faenan na zona chegan a capturar ata catro toneladas por marea.
Alta rendibilidade
Trátase dun produto moi apreciado en Asia, onde acada prezos de ata 150 euros por quilo sobre todo en Chinesa e Corea, onde se considera unha delicatessen, tamén en Cataluña e o Levante. Pero en Galicia a práctica totalidade de ditas capturas devólvese ao mar, ata o de agora, sen aproveitarse
Non só para a gastronomía (emprégase sobre todo cocido ou desecado para disimular o seu aspecto vermiforme) tamén extractos de holoturia empréganse na elaboración de produtos farmacéuticos. O seu alto contido en calcio, magnesio, zinc e manganeso é tal que contribúe á protección das células do estrés oxidativo, e ás función normais do sistema inmune e das enzimas digestivas, entre outras cuestións.
O voceiro popular insiste en que a súa formación política, comprometida cun mellor futuro dos profesionais da pesca e do marisqueo, considera conveniente a análise e procura de mecanismos que permitan a posta en valor deste recurso por parte dos sectores pesqueiro e transformador galego e, máis en particular, a posibilidade de expandir a súa explotación a outras áreas de Galicia.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
