Burela, 12 de abril de 2015.- O Burela FS Pescados Rubén non puido sumar a súa quinta vitoria consecutiva na mañá deste domingo na pista do AD Alcorcón FSF. As madrileñas conseguiron os tres puntos e seguen pelexando por entrar en Copa con 4-1 a favor, nunha cita moi igualada. Tras un axustado 1-0 ao descanso, as pupilas de Iván Cao, Lucas, saíron con frescura no segundo período, pero o acerto por partida dobre das locais en contragolpe fixo dano nas filas laranxas, que apostaron por xogo de cinco sen éxito na recta final.
Los Cantos viviu unha primeira parte moi equilibrada na que ambas as escuadras buscaban a meta rival. As burelistas dispuxeron de boas ocasións pero o desaxuste en finalización non lles permitiu abrir o marcador, algo que si puideron facer as locais, no minuto 13, nun rexeitamento que Andrea Feijoo puxo dentro dos paus.
Saíron as de Lucas moi ben no segundo tramo, con boas sensacións para dar a volta ao electrónico. Os minutos pasaban e as de Alcorcón aproveitaron para ampliar en dous contraataques, con Andrea Feijoo de novo como protagonista (minutos 34 e 35). Con 3-0, o Burela FS Pescados Rubén optou por Shio como porteira xogadora, pero chegou o 4-0 de Desiree, a porta baleira. Non baixaron os brazos as da Mariña e reduciu distancias, no 37, Claudia. O cadro laranxa intentouno ata a extenuación fronte á gardameta local, con perigo pero sen posibilidades de mover o definitivo 4-1.
Ficha técnica
AD Alcorcón FSF: Eva, Isa García, Leire, Anita Luján e Desiree (cinco inicial). Tamén xogaron Natalia Orive, Cris Llanos, Vadillos e Andrea Feijoo
Burela FS Pescados Rubén: Jozi, Peque, Gaby, Bea Mateos e Shiori (quinteto inicial). Tamén xogaron, Maite, Claudia e Tainã.
Goles: 1-0, min. 13 Andrea Feijoo; 2-0, min. 34 Andrea Feijoo; 3-0, min. 35 Andrea Feijoo; 4-0, min. 37 Desirée; 4-1, min. 37 Claudia
Tarxetas: Por Alcorcón amarela a Natalia Orive.
Incidencias: Partido correspondente á 24ª xornada de Primeira División RFEF, disputado no pavillón de Los Cantos.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
