Ribadeo, 13 de abril de 2015.- O alcalde, Fernando Suárez, destacou na IV Gala de Acisa o esforzo e o amor polo traballo das dúas premiadas: Saribel Suárez e Valentina Fernández. O rexedor fixo unha chamada á colaboración entre a Xunta, Acisa e o Concello diante “dos novos e apaixonantes desafíos e retos” que se aveciñan e referiuse á praia das Catedrais.
No seu discurso o rexedor dixo que Saribel Suárez e Valentina Fernández “son un exemplo de esforzo, de amor polo traballo, e que entronca coa nosa tradición de Ribadeo como referente comercial histórico dende hai moito tempo atrás. Ademais nestes momentos é unha alegría para todos nós que vosoutras, Saribel e Valentina, poidades ver como se está incrementando este potencial comercial en Ribadeo. Somos o referente de toda A Mariña e de todo o Occidente asturiano”.
Suárez Barcia considera que “non podemos ser triunfalistas, porque sabemos que a xente non o está pasando ben, que son momentos difíciles, pois en Ribadeo, como en todos os sitios, falta moito traballo; pero, con todo, apréciase o dinamismo do sector servizos, abrindo locais, ampliando e modernizando outros. E iso é algo co que dende o Concello estamos francamente moi orgullosos, por traballar como estivemos facéndoo nestes últimos anos: amañando e peatonalizando rúas, semipeatonalizando, mellorando espazos como a rúa Ramón González, que estamos estes días con ela levantada; impulsando a rehabilitación de edificios na nosa vila para que sexa un lugar de compras imprescindible, un lugar atractivo para vir a gozar, a pasear e, como non, a mercar; e poñendo a Ribadeo na primeira división do turismo co Ribadeo de Tapeo, co Ribadeo Indiano, coas actividades culturais, etcétera. Todo isto non sería posible sen o que estamos facendo nos últimos anos: traballando cóbado con cóbado cos comerciantes a través de Acisa, estreitando lazos día a día”.
O alcalde de Ribadeo subliñou que “temos agora novos e apaixonantes desafíos e retos, que temos que ir resolvendo. Debemos seguir nesta liña, pero tamén temos que traer a moita xente e aproveitar este fluxo de milleiros de persoas que ao longo do ano, especialmente na Semana Santa e no verán, veñen a Ribadeo para visitar a nosa praia máis internacional: a das Catedrais. E queremos que unha parte grande deles acaben aquí, en Ribadeo. Faise preciso para iso a colaboración, como estamos facendo, con Acisa, pero tamén, como non, da Xunta de Galicia. Traballar xuntos para facer de Ribadeo ese lugar onde pivote toda a xestións dos fluxos turísticos, para que o noso comercio, os nosos restaurantes, os nosos hoteis, … tamén se poidan beneficiar activamente desta nosa praia”.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
