O vindeiro venres 17 de abril ás 20.00 horas, na Casa da Cultura do Concello de Foz, será presentado o libro: Campos de Xan Amor do ex alcalde, José Mª García Rivera. Alfonso Otero Regal, Francisco Piñeiro, Paco Rivas e Pablo Mosquera, que ofrecen a súa opinión no libro sobre a traxectoria de José Mª García Rivera como alcalde de Foz nas etapas 1995-2011, tamén estarán presentes no acto.
Segundo Rivera “o importante nesta vida é ir recordando a Historia, e a miña historia funa recompilando nun pequeno libriño de peto que cada día ía anotando o máis importante para o noso Concello”.
Sobre a primeira etapa (1995-2003) saíu á venda con fins sociais o libro A sombra dun Castiñeiro e agora tamén sae á venda Campos de Xan Amor que comprende a etapa 2003-2011 e onde se contan “moitas vivencias, moitos problemas, moitas alegrías e tamén moita solidariedade, ademais doutros aspectos desagradables que, desde o meu punto de vista, que non se poden obviar”.
A recadación do libro servirá para colaborar coa asociación Stop San Filippo que loita para que se investigue esa enfermidade rara que afecta aos nenos e que lles fai perder a súa vida na adolescencia.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
