Burela, 15 de abril de 2015. Todas as zonas de baño de Burela acadaron a cualificación de excelente no 2014, excepto a praia de Penaoural. Así se recolle na clasificación sanitaria final das zonas de baño, emitida pola Xunta de Galicia.
A concelleira de Medio Ambiente, Patricia López Eijo, sinalou que “as nosas praias: Ril, A Marosa, O Portelo e O Cantiño obtiveron a cualificación sanitaria de excelente, mentres que na de Penaoural foi insuficiente”.
A edil popular subliñou que “a boa calidade da auga axudounos a que o ano pasado conseguísemos unha bandeira azul máis para a praia de Ril”.
López Eijo indicou que “estamos a traballar para conseguir mellorar a calidade da auga desta praia, da de Penaoural. Para iso está en proxecto a construción dunha nova depuradora, o que posibilitará mellorar a calidade da zona de baño en Penaoural. O proxecto xa está encamiñado, porque a Xunta incluíuno nos Fondos Europeos FEDER 2014-2020”.
O alcalde, José Mª González Barcia, lembrou que “en 2011 atopámonos co emisario completamente roto e con moitas fugas. No seu arranxo realizouse un investimento de 30.000 euros. Eses problemas xa se coñecían porque no 2010 a praia do Portelo estivo pechada para o baño durante varios días”.
O rexedor engadiu que “desde o 2011 todos os anos se revisa o emisario e as posibles deficiencias que presenta arránxanse”.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
